អាមេរិក៖ វវីរុស Delta គឺបានធ្វើការគ្របដណ្តប់នៅសហរដ្ឋអាមេរិករួចហើយ នេះបើយោងតាមគំរូទិន្នន័យដែលធ្វើឡើងដោយមជ្ឈមណ្ឌលត្រួតពិនិត្យនិងការពារជំងឺសហរដ្ឋអាមេរិក (ហៅកាត់ CDC) ។

យោងតាមការប៉ាន់ប្រមាណរបស់ភ្នាក់ងារសុខាភិបាលវវីរុស Delta បានក្លាយជារឿងលេចធ្លោនៅក្នុងប្រទេស ក្នុងរយៈពេលពីរសប្តាហ៍ដែលបានបញ្ចប់នៅថ្ងៃទី ៣ ខែកក្កដា ដោយមានករណី ៥១.៧% ទាក់ទងទៅនឹងវ៉ារ្យ៉ង់ដែលត្រូវបានកំណត់ដំបូងនៅក្នុងប្រទេសឥណ្ឌានោះ។

ដោយឡែក សមាមាត្រនៃករណីវ៉ារ្យ៉ង់អាល់ហ្វា (Alpha variant) ដែលត្រូវបានគេរកឃើញដំបូងនៅក្នុងប្រទេសអង់គ្លេស ហើយចម្លងជាងគេនៅសហរដ្ឋអាមេរិកបានធ្លាក់ចុះដល់ ២៨.៧% ។

វីរុស Delta ដែលកំពុងចម្លងខ្លាំងនៅក្នុងបណ្តាប្រទេសជាច្រើន ងាយនឹងឆ្លងជាងការឆ្លងមេរោគមុនៗ ហើយអាចបណ្តាលឱ្យមានជំងឺធ្ងន់ធ្ងរថែមទៀត ជាពិសេសក្នុងចំណោមមនុស្សវ័យក្មេង។ មន្ត្រីសុខាភិបាលបាននិយាយថា ឥឡូវនេះវាត្រូវបានគេរកឃើញនៅគ្រប់រដ្ឋរបស់សហរដ្ឋអាមេរិក។

គួររំលឹកថា រហូតមកដល់ពេលនេះទិន្នន័យបឋមបានបង្ហាញថា វ៉ាក់សាំងដែលផលិតដោយ Pfizer Inc (PFE.N) និង BioNTech (22UAy.DE), AstraZeneca (AZN.L) និង Moderna (MRNA.O) ភាគច្រើនការពារប្រឆាំងនឹងវ៉ារ្យ៉ង់វីរុស Delta ដែលអង្គបដិប្រាណត្រូវបានកាត់បន្ថយខ្លះៗ។ NR