WASHINGTON៖ សហរដ្ឋអាមេរិកនឹងមិនបិទខ្ទប់ម្តងទៀតដើម្បីទប់ស្កាត់ជំងឺកូវីដ១៩ ទេ ប៉ុន្តែ "អ្វីៗនឹងកាន់តែអាក្រក់ទៅៗ" ដោយសារវីរុស Delta មានការកើនឡើងនៃករណីដែលភាគច្រើនក្នុងចំណោមអ្នកដែលមិនបានចាក់វ៉ាក់សាំង នេះបើយោងតាម អ្នកជំនាញផ្នែកជំងឺឆ្លងកំពូលអាមេរិក លោកវេជ្ជបណ្ឌិត Anthony Fauci បាននិយាយកាលពីថ្ងៃអាទិត្យ។

វេជ្ជបណ្ឌិត Anthony Fauci បាននិយាយនៅលើទូរទស្សន៍ ABC ថា សប្តាហ៍នេះ ភាគរយនៃជនជាតិអាមេរិកាំងត្រូវបានចាក់វ៉ាក់សាំងដើម្បីចៀសវាងការបិទទ្វារ។ លោកបន្តថា “មិនគ្រប់គ្រាន់ដើម្បីកំចាត់ការផ្ទុះឡើងនោះទេ ប៉ុន្តែខ្ញុំជឿថា គ្រប់គ្រាន់ដើម្បីមិនអនុញ្ញាតឱ្យយើងចូលទៅក្នុងស្ថានភាពដែលយើងស្ថិតនៅក្នុងរដូវរងារឆ្នាំមុន” ។

ទោះបីជារដ្ឋនានាមិនប្រើការបិទទ្វារម្តងទៀតក៏ដោយ ក៏ការរីករាលដាលនៃវីរុស Delta នៅតែអាចគំរាមកំហែងដល់សេដ្ឋកិច្ច។

គួររំលឹកថា ខណៈពេលដែលវ៉ាក់សាំងនៅតែខ្វះខាតនៅក្នុងពិភពលោក ភាគច្រើនវាអាចប្រើបានដោយសេរីចំពោះអ្នកដែលមានអាយុចាប់ពី ១២ ឆ្នាំឡើងទៅ នៅសហរដ្ឋអាមេរិក ដែលប្រធានាធិបតីបានប្រើប្រាស់វិធីចុងក្រោយក្នុងដោយអោយជារង្វាន់ជា សាច់ប្រាក់ រថយន្តថ្មី និងការលើកទឹកចិត្តផ្សេងទៀត តែនៅតែបរាជ័យក្នុងការជំរុញប្រជាជនជាង១/៣ ឱ្យទទួលបានការចាក់ថ្នាំបង្ការរោគ។ NR