អាស៊ី៖ ធនាគារអភិវឌ្ឍន៍អាស៊ី ADB បាននិយាយកាលពីថ្ងៃអង្គារថា ជំងឺរាតត្បាតកូរូណាវីរុស បានរុញច្រានប្រជាជនរហូតដល់ ៨០ លាននាក់ នៅក្នុងតំបន់កំពុងអភិវឌ្ឍន៍អាស៊ី ទៅក្នុងភាពក្រីក្រខ្លាំងកាលពីឆ្នាំមុន ដោយគំរាមនឹងធ្វើឱ្យធ្លាក់ចុះនៃវឌ្ឍនភាពឆ្ពោះទៅរកគោលដៅសកលដើម្បីដោះស្រាយភាពក្រីក្រនិងភាពអត់ឃ្លាន នៅត្រឹមឆ្នាំ ២០៣០ ។

ការពិសោធន៏របស់ ADB បានបង្ហាញថា អត្រាភាពក្រីក្រដ៏ខ្លាំងរបស់ប្រទេសកំពុងអភិវឌ្ឍតំបន់អាស៊ី ឬសមាមាត្រនៃប្រជាជនរបស់ខ្លួនដែលមានប្រាក់ចំណូលតិចជាង ១.៩០ ដុល្លារក្នុងមួយថ្ងៃ នឹងធ្លាក់ចុះមកត្រឹម ២.៦% ក្នុងឆ្នាំ ២០២០ ពី ៥.២% ក្នុងឆ្នាំ ២០១៧ ដោយគ្មានជំងឺកូវីដ ១៩ ប៉ុន្តែវិបត្តិទំនងជាជំរុញឱ្យអត្រាព្យាករណ៍កាលពីឆ្នាំមុនកើនឡើងខ្ពស់ប្រហែលក្នុងពិន្ទុ ២ ភាគរយ វិញ។

តួលេខនេះអាចខ្ពស់ជាងនេះ ដោយពិចារណាលើវិសមភាពនៅក្នុងវិស័យនានាដូចជា សុខភាព ការអប់រំ និងការរំខានលើការងារ ដែលកាន់តែស៊ីជម្រៅដោយសារវិបត្តិកូវីដ ១៩ រំខានដល់ចល័តភាព និងសកម្មភាពសេដ្ឋកិច្ចដែលជាប់គាំងផ្សេងៗទៀត។

គួររំលឹកថា ការខូចខាតសេដ្ឋកិច្ចដែលបណ្តាលមកពីជំងឺរាតត្បាតបានធ្វើឱ្យបញ្ហាប្រឈមកាន់តែខ្លាំងឡើងក្នុងការបំពេញតាមគោលដៅអភិវឌ្ឍន៍សកលដែលអង្គការសហប្រជាជាតិបានអនុម័តក្នុងឆ្នាំ ២០១៥ ។ NR