JANGEBE, Nigeria ៖ ទាហាននីហ្សេរីយ៉ាបានបើកការបាញ់ប្រហារនៅក្នុងទីប្រជុំជន Jangebe ខណៈដែលក្មេងស្រីសិស្សសាលា ២៧៩ នាក់ដែលត្រូវបានចាប់ជំរិតនៅភាគពាយព្យនៃប្រទេសនីហ្សេរីយ៉ា កំពុងត្រូវបានបញ្ជូនត្រឡប់ទៅកាន់ក្រុមគ្រួសាររបស់ពួកគេវិញនៅថ្ងៃពុធ មួយថ្ងៃបន្ទាប់ពីការដោះលែង នេះបើយោងតាមសាក្សីពីរនាក់បានប្រាប់។

សាក្សីបាននិយាយថា យ៉ាងហោចណាស់មនុស្ស ៣ នាក់ត្រូវបានរងរបួស។ គេមិនទាន់ដឹងច្បាស់ថា ហេតុអ្វីបានជាទាហានចាប់ផ្តើមធ្វើសកម្មភាពបាញ់ប្រហារនោះទេ។