ទីក្រុងម៉ិកស៊ិក៖ យោងតាមប្រភពនៃតុលាការដែលមានចំណេះដឹងអំពីបញ្ហា និងតាមរយៈប្រព័ន្ធផ្សព្វផ្សាយម៉ិកស៊ិក បានអោយដឹងថា៖ ដីកាចាប់ខ្លួនត្រូវបានចេញនៅក្នុងប្រទេសម៉ិចស៊ិកូ សម្រាប់ លោក Miguel Aleman សហស្ថាបនិកក្រុមហ៊ុនអាកាសចរណ៍ Interjet Airline លើបទចោទប្រកាន់ពី បទបន្លំពន្ធ ដែលជាទោសព្រហ្មទណ្ឌ។

ក្រុមរដ្ឋអាជ្ញាកំពុងស្វែងរកការឃុំខ្លួន លោក Miguel Aleman ដែលជាផ្នែកមួយនៃការស៊ើបអង្កេតការបន្លំពន្ធជិត ៦៥ លានប៉េសូ (ប្រហែល ៣.២៥ លានដុល្លារសហរដ្ឋអាមេរិក) ។

ដីកាចាប់ខ្លួន លោក Miguel Aleman គឺជាការកត់សម្គាល់មួយក្នុងចំណោមលើកដំបូងដែលមេដឹកនាំជំនួញម៉ិកស៊ិកត្រូវបានកំណត់គោលដៅដោយអាជ្ញាធរ ក្រោមច្បាប់ថ្មីដែលចាត់ទុកការបន្លំពន្ធ ជាបទឧក្រិដ្ឋធ្ងន់ធ្ងរ។

ច្បាប់ដែលត្រូវបានអនុម័តកាលពីឆ្នាំមុន គឺជាផ្នែកមួយនៃការជំរុញរបស់លោកប្រធានាធិបតី Andres Manuel Lopez Obrador ដើម្បីកាត់បន្ថយប្រាក់ចំណូលបន្ថែមពីអាជីវកម្ម និងបញ្ចប់ឆ្នាំនៃអ្វីដែលលោកបានចាត់ទុកថាជាការប្រមូលពន្ធដែលនៅមានកំរិតអន់ខ្សោយ។ នៅក្រោមច្បាប់នេះ ជនសង្ស័យអាចត្រូវបានចាប់ខ្លួននៅពេលចោទប្រកាន់និងឃុំខ្លួន ក្នុងពេលដំណើរការនីតិវិធី។

Interjet Airline បានបិទនៅខែធ្នូ បន្ទាប់ពីមានជំងឺរាតត្បាតឆ្លងរាលដាលកាន់តែធ្ងន់ធ្ងរ ចំពោះបញ្ហាហិរញ្ញវត្ថុរបស់ខ្លួន។ ក្រុមហ៊ុនអាកាសចរណ៍នេះ សង្ឃឹមថានឹងធ្វើកិច្ចព្រមព្រៀងជាមួយម្ចាស់បំណុលក្នុងរយៈពេលមួយឆ្នាំ ដូច្នេះគេអាចចាប់ផ្តើមប្រតិបត្តិការឡើងវិញ។

គួររំលឹកថា លោក Miguel Aleman គឺជាចៅប្រុសរបស់អតីតប្រធានាធិបតីនិងជាកូនប្រុសរបស់អភិបាលរដ្ឋ Veracruz ។ NR