England៖ ក្មេងជំទង់អាយុ ១៦ និង ១៧ ឆ្នាំ ទាំងអស់នៅប្រទេសអង់គ្លេសនឹងត្រូវផ្តល់វ៉ាក់សាំងការពារជំងឺកូវីដ ១៩ ជាលើកដំបូងនៅថ្ងៃទី ២៣ ខែសីហា នេះបើយោងតាមគោលដៅដែលកំណត់ដោយលេខាធិការសុខាភិបាលអង់គ្លេស លោក Sajid Javid។

លោក Sajid Javid បាននិយាយកាលពីថ្ងៃអាទិត្យថា ការផ្តល់វ៉ាក់សាំងដល់យុវជនតាមកាលបរិច្ឆេទ នោះនឹងអនុញ្ញាតឱ្យក្មេងជំទង់ដែលមានអាយុក្នុងចន្លោះនេះ មានរយៈពេលពីរសប្តាហ៍ ដែលចាំបាច់ដើម្បីបង្កើតភាពស៊ាំអតិបរមា មុនពេលត្រលប់ទៅសាលារៀនវិញនៅខែកញ្ញា។

លោក Sajid Javid បាននិយាយនៅក្នុងសេចក្តីថ្លែងការណ៍មួយកាលពីថ្ងៃអាទិត្យថា ខ្ញុំបានសុំឱ្យ NHS នៅប្រទេសអង់គ្លេសធានាថា ពួកគេផ្តល់វ៉ាក់សាំងដំបូងដល់មនុស្សគ្រប់រូបដែលមានអាយុ ១៦ និង ១៧ នៅថ្ងៃច័ន្ទទី ២៣ ខែសីហា ខាងមុខនេះ ដែលនឹងធ្វើឱ្យប្រាកដថា អ្នករាល់គ្នាមានឱកាសទទួលបានការការពារសំខាន់មុនពេលត្រលប់ទៅមហាវិទ្យាល័យវិញ។

គួររំលឹកថា ចក្រភពអង់គ្លេសបានទទួលរងនូវការស្លាប់ជាង ១៣០.០០០ នាក់ ក្នុងរយៈពេល ២៨ ថ្ងៃ នៃការធ្វើតេស្តវិជ្ជមានកូវីដ១៩ ដែលជាចំនួនសរុបខ្ពស់បំផុតទី ២ នៅអឺរ៉ុប បន្ទាប់ពីប្រទេសរុស្ស៊ី និងមួយក្នុងចំណោមប្រទេសដែលខ្ពស់បំផុតនៅលើពិភពលោក។ NR