អាមេរិក៖ មន្ត្រីសុខាភិបាលសហរដ្ឋអាមេរិកបាននិយាយនៅថ្ងៃអង្គារនេះថា សហរដ្ឋអាមេរិកកំពុងពិនិត្យឡើងវិញនូវតម្រូវការសម្រាប់ការចាក់ថ្នាំបង្ការការពារជំងឺកូវីដ១៩ ក្នុងចំណោមប្រជាជនដែលបានចាក់វ៉ាក់សាំងរួចហើយ ប៉ុន្តែចាំបាច់ត្រូវមើលទិន្នន័យបន្ថែមទៀតដើម្បីដឹង ថាតើការចាក់វ៉ាក់សាំងបន្ថែមនេះអាចបង្កើនហានិភ័យធ្ងន់ធ្ងរដែរឬទេ។

មន្ត្រីរូបនេះបាននិយាយថា ការចាក់វ៉ាក់សាំងទី ២ មានអត្រាខ្ពស់នៃផលប៉ះពាល់ ដែលបង្ហាញថា ការចាក់លើកទី ៣ អាចមានហានិភ័យខ្ពស់ជាងនេះទៅទៀត។

លេខាធិការនៅមជ្ឈមណ្ឌលត្រួតពិនិត្យនិងការការពារជំងឺអាមេរិក លោក Jay Butler បាននិយាយក្នុងកំឡុងពេលធ្វើសន្និសីទសារព័ត៌មានថា យើងចាប់អារម្មណ៍យ៉ាងខ្លាំងក្នុងការដឹងថាតើការចាក់ដូសទី ៣ អាចនឹងមានហានិភ័យខ្ពស់ឬយ៉ងណា។​

រដ្ឋាភិបាលសហរដ្ឋអាមេរិកមិនបានធ្វើការសម្រេចចិត្ត ថាតើត្រូវចាក់ថ្នាំបង្ការរោគបន្ថែមទេ ប៉ុន្តែលោកបានមើលឃើញពីតម្រូវការនៃសក្តានុពលកាន់តែច្រើនសម្រាប់ពួកគេ ក្នុងចំណោមមនុស្សវ័យចំណាស់ និងក្រុមដទៃទៀត។

គួររំលឹកថា Pfizer (PFE.N) និងដៃគូ BioNTech (22UAy.DE) គ្រោងនឹងស្នើសុំនិយតករអាមេរិកក្នុងរយៈពេលប៉ុន្មានសប្តាហ៍ដើម្បីផ្តល់សិទ្ធិក្នុងការបង្កើនវ៉ាក់សាំងការពារជំងឺកូវីដ១៩ ដោយផ្អែកលើភស្តុតាងនៃហានិភ័យខ្ពស់នៃការឆ្លងក្នុងរយៈពេល ៦ ខែ បន្ទាប់ពីការចាក់ថ្នាំបង្ការរោគ ពីព្រោះតែវ៉ារ្យ៉ង់វីរុស Delta ដែលងាយចម្លងខ្លាំង។ NR