បាងកក៖ កន្លែងដាក់សាកសពនៃមន្ទីរពេទ្យថៃមួយ ដែលគ្របដណ្តប់ដោយការស្លាប់ដោយសារជំងឺកូវីដ១៩ បានចាប់ផ្តើមរក្សាទុកសាកសពនៅក្នុងទូត្រជាក់ ដោយប្រើវិធានការចុងក្រោយ ដូចដែលបានធ្វើកាលពីពេលមានរលកយក្សស៊ូណាមិ ដែលបានបំផ្លិចបំផ្លាញកាលពីឆ្នាំ ២០០៤ ខណៈប្រទេសនេះប្រឈមមុខនឹងការផ្ទុះឡើងនៃមេរោគឆ្លងដ៏ធំបំផុត។

ប្រទេសថៃនៅថ្ងៃសៅរ៍នេះ បានរាយការណ៍ពីកំណត់ត្រាប្រចាំថ្ងៃចំនួន ១៨,៩១២ ករណីថ្មី និងកំណត់ត្រានៃការស្លាប់ថ្មីចំនួន ១៧៨ នាក់ ដែលនាំឱ្យករណីសរុបកើនឡើងដល់ ៥៩៧,២៨៧ ករណី និងអ្នកស្លាប់ចំនួន ៤,៨៥៧ នាក់។

នៅឯមន្ទីរពេទ្យសាកលវិទ្យាល័យធម្មាសាធ (Thammasat University Hospital) ជិតរដ្ឋធានីបាងកក កន្លែងដាក់សពដែលមានទូកកចំនួន ១០ទូ  ជាធម្មតាអាចធ្វើកោសល្យវិច័យបានរហូតដល់ ៧ ដង ក្នុងមួយថ្ងៃ។ ប៉ុន្តែរលកចុងក្រោយនៃជំងឺរាតត្បាតសកល ឥឡូវនេះគេត្រូវដោះស្រាយជាមួយសាកសពជាង ១០ ដង ជារៀងរាល់ថ្ងៃ។

វេជ្ជបណ្ឌិត Pharuhat Tor-udom ប្រធានមន្ទីរពេទ្យ បាននិយាយថា “មិនមានកន្លែងទំនេរគ្រប់គ្រាន់ទេ ដូច្នេះយើងបានទិញកុងតឺន័របន្ថែម ២ ទៀត សម្រាប់ផ្ទុកសាកសព” ដែលកុងតឺន័រនីមួយៗមានតម្លៃ ២៥០,០០០ បាត (ប្រហែល ៧,៦០១ ដុល្លារអាមេរិក) ។

លោកបន្តថា ស្ទើរតែ ២០% នៃសាកសពដែលមានមូលហេតុនៃការស្លាប់ មិនស្គាល់អត្តសញ្ញាណ ក្រោយមកបានធ្វើតេស្តិ៍វិជ្ជមានចំពោះជំងឺកូវីដ១៩ ដែលគ្របដណ្តប់លើកន្លែងដាក់សពនិងបុគ្គលិកពេទ្យ។

លោកបន្ថែមទៀតថា “អំឡុងពេលមានរលកយក្សស៊ូណាមិ យើងបានប្រើកុងតឺន័រដើម្បីផ្ទុកសាកសព រង់ចាំការធ្វើកោសល្យវិច័យដើម្បីកំណត់អត្តសញ្ញាណ ប៉ុន្តែយើងមិនចាំបាច់ធ្វើវាម្តងទៀតទេ រហូតមកដល់ពេលនេះ ទើបប្រើវិធីសាស្ត្រនេះម្តងទៀត។ លោកបញ្ជាក់បន្ថែមថា មានសាកសពជាច្រើនត្រូវបានរក្សាទុកនៅក្នុងកុងតឺន័រមួយកាលពីថ្ងៃសៅរ៍ ដោយរង់ចាំសាច់ញាតិរបស់ពួកគេមកយក។

គួររំលឹកថា មន្ទីរពេទ្យនៅទីក្រុងបាងកក និងខេត្តជុំវិញ កំពុងខ្វះសមត្ថភាព ដោយសារការកើនឡើងនៃការឆ្លងលើសលប់។ NR