នាពេលថ្មីៗនេះ មានវីដេអូមួយដែលទទួលបានការចាប់អារម្មណ៍ស្ទើរគ្រប់ប្រទេស និងត្រូវបានចែករំលែកពេញប្រព័ន្ធអ៊ីនធឺណែត។ នៅក្នុងវីដេអូនោះបានបង្ហាញអំពីទឹកចិត្តសត្វឆ្កែមួយក្បាលចំពោះម្ចាស់វា ដែលបានធ្វើឲ្យអ្នកទស្សនាភាគច្រើនកើតក្តីរំភើបចិត្តជំនួស។ ម្ចាស់ឆ្កែគឺជាជនជាតិចិន មាន ឈ្មោះ Shao ហើយឆ្កែរបស់គាត់ឈ្មោះថា BaoBao។ ដោយសារតែ លោក Shao មានជម្ងឺលើសឈាមនិងបេះដូង ហើយកំពុងសម្រាកព្យាបាលនិងត្រូវដាក់អុកស៊ីសែន នៅពេលចូលគេង ដូច្នេះBaoBao ឆ្កែរបស់គាត់តែងតែនៅជិតគាត់ ដោយដាក់ក្បាលរបស់វាលើទ្រូងគាត់ ដើម្បីកុំឲ្យម្ចាស់របស់ខ្លួនមានអារម្មណ៍ឯកោ។ ជាពិសេស គេឃើញភ្នែករបស់វារលីងរលោង នៅពេលម្ចាស់វា អង្អែលក្បាលវាថ្នមៗ ដោយនិយាយថា គាត់មិនអីទេ កុំបារម្ភ អ្វីគ្រប់យ៉ាងនឹងល្អ។ លើសពីនេះលោក Shao ក៏បានបន្ថែមថា គាត់និងឆ្កែចិញ្ចឹមរបស់គាត់មិនមែនជាសាច់ឈាមគ្នាទេ តែវាលើសពីគ្រួសារទៅទៀត។ 

តាមរយៈវីដេអូនេះ អ្នកដែលចិញ្ចឹមឆ្កែច្បាស់ជាយល់អំពីទឹកចិត្តវាចំពោះម្ចាស់វា ពីព្រោះថា សត្វឆ្កែជាសត្វមួយដែលស្រលាញ់ម្ចាស់ និងស្មោះត្រង់ចំពោះម្ចាស់វាបំផុត៕HR