ក្រសួងសុខាភិបាលបន្តរកឃើញអ្នកឆ្លងកូវីដ១៩ ចំនួន២៧៧នាក់ថែមទៀត អ្នកជំងឺចំនួន៦០នាក់ជាសះស្បើយ ខណៈ ស្ត្រីជនជាតិខ្មែរម្នាក់បានស្លាប់ដោយជម្ងឺកូវីដ ១៩
3 ឆ្នាំ មុន
(ភ្នំពេញ)៖ ក្រសួងសុខាភិបាល នៅព្រឹកថ្ងៃទី១២ ខែមេសា ឆ្នាំ២០២១នេះ បានចេញសេចក្តីប្រកាសព័ត៌មាន បញ្ជាក់ពីការបន្តរកឃើញអ្នកឆ្លងកូវីដ១៩ ថ្មីរហូតដល់២៧៧នាក់ថែមទៀត ដែលភាគច្រើនបំផុត ជាអ្នករស់នៅរាជធានីភ្នំពេញ ហើយអ្នកជំងឺចំនួន៦០នាក់បានជាសះស្បើយ និងអនុញ្ញាតឲ្យចេញពីមន្ទីរពេទ្យ ខណៈអ្នកជំងឺកូវីដ១៩ម្នាក់ទៀតបានស្លាប់ ដោយសារជំងឺកូវីដ១៩។ អ្នកស្លាប់ទី៣០នេះ គឺជាស្ត្រីជនជាតិខ្មែរអាយុ ៦១ឆ្នាំ។
