BANG KOK៖ដំរីតូចមួយក្បាលបានជួបគ្រោះថ្នាក់ចរាចរណ៍ ខណៈវាកំពុងដើរឆ្លងកាត់ផ្លូវ ដែលបានបណ្តើរឲ្យ អ្នកធ្វើដំណើររងរបួសស្រាល ចំណែកឯកូនដំរីបានសន្លប់នៅកន្លែងភ្លាមៗ ហេតុការណ៍នេះបានកើតឡើងនៅ នៅភាគខាងកើតនៃខេត្ត Chanthaburi ។ ជាសំណាងល្អ ក្រុមអ្នកជួយ សង្រ្គោះ បានមកដល់ទីតាំង ហើយបានខិតខំប្រឹងប្រែង ជួយសង្រ្គោះកូនដំរីតូចដែលស្ទើរផុតដង្ហើមនោះ។ បុរសដែលបានជួយសង្រ្គោះនោះមានឈ្មោះថា ម៉ាណាណាស្រ៊ីវ៉ាត គាត់ថែមទាំងបានរៀបរាប់ថា គាត់ធ្លាប់បានជួយសង្រ្គោះជីវិតមនុស្សអស់រយៈពេល ជាង ២៦ឆ្នាំហើយ ក៏ប៉ុន្តែ នេះគឺជាលើដំបូងហើយក្នុងការជួយសង្គ្រោះកូនដំរីបែបនេះ ។ 

ដូចដែលបានឃើញនៅក្នុងវីដេអូ នៃការជួយសង្រ្គោះកូនដំរី នោះមិនយូរប៉ុន្មានដំរី ក៏ប្រក្រតីវិញនិងមិនមានរងរបួសធ្ងន់ធ្ងរទេ។ ចំណែកឯអ្នកធ្វើដំណើរក៏មានសុវត្ថិភាពផងដែរ។ 

លើសពីនេះទៅទៀត ម៉ាណាបានប្រាប់សារព័ត៌មាន ថា "វាជាសភាវគតិរបស់ខ្ញុំក្នុងការជួយសង្គ្រោះជីវិតប៉ុន្តែខ្ញុំមានការព្រួយបារម្ភ ព្រោះអំឡុងពេលជួយសង្រ្គោះខ្ញុំបានលឺម្តាយនិងដំរីដទៃទៀតស្រែកហៅរកកូនដំរីវា" ៕HR