ភ្នំពេញ ៖ ថ្លែងចំពោះមុខ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ឯកអគ្គរដ្ឋទូតជប៉ុន ប្រចាំកម្ពុជា លោក មីកាមិ ម៉ាសាហ៊ីរ៉ូ បានអះអាងថា រដ្ឋាភិបាលជប៉ុន បន្ដកិច្ចសហប្រតិបត្តិការ ដើម្បីទប់ស្កាត់ជំងឺកូវីដ-១៩ និងការអភិវឌ្ឍ ប្រទេសកម្ពុជា។
ក្នុងពិធីទទួលវ៉ាក់សាំងបង្ការជំងឺកូវីដ-១៩ ប្រភេទ អាស្ត្រាហ្សេនីកា (AstraZeneca) ជាជំនួយរបស់រដ្ឋាភិបាលជប៉ុន នាយប់ថ្ងៃទី២៣ ខែកក្កដា ឆ្នាំ២០២១ នេះ លោក មីកាមិ ម៉ាសាហ៊ីរ៉ូ បានថ្លែងថា «ខ្ញុំនឹងបន្ដកិច្ចសហប្រតិបត្តិការតាមតែ អាចធ្វើទៅបាន ដើម្បីទប់ស្កាត់ជំងឺកូវីដ-១៩នៅកម្ពុជា និងការអភិវឌ្ឍប្រទេសកម្ពុជាផងដែរ»៕
