អង់គ្លេស៖ លោក Sajid Javid ត្រូវបានតែងតាំងជា រដ្ឋមន្រ្តីក្រសួងសុខាភិបាលថ្មីរបស់ចក្រភពអង់គ្លេសបន្ទាប់ពីលោក Matt Hancock ត្រូវបានបង្ខំឱ្យលាលែងពីតំណែងកាលពីថ្ងៃសៅរ៍ បន្ទាប់ពីមានការលាតត្រដាងថា លោកបានរំលោភលើវិធាការទប់ស្កាត់កូវីដ-១៩ ដោយសារលោកបានលួចថើបគ្នាជាមួយជំនួយការជិតស្និទ្ធរបស់លោក។ នេះបើយោងតាមការចុះផ្សាយដោយសារព័ត៌មាន Aljazeera នៅថ្ងៃទី២៧ ខែមិថុនា ឆ្នាំ២០២១

សេចក្ដីប្រកាសព័ត៌មានខ្លីមួយពីរដ្ឋាភិបាលបានសរសេរនៅថ្ងៃសៅរ៍ថា“ មហាក្សត្រីបានរីករាយក្នុងការអនុម័តតែងតាំងសមាជិកសភា លោក Sajid Javid ជារដ្ឋមន្រ្តីក្រសួងសុខាភិបាលនិងថែទាំសង្គម” ។

លោក Matt Hancock បានឆ្លើយតបរបស់ចក្រភពអង់គ្លេសចំពោះជំងឺរាតត្បាត ជាពិសេសការចាក់វ៉ាក់សាំងទូទាំងប្រទេសរូបនេះ បានលាលែងពីតំណែងនៅក្នុងលិខិតមួយផ្ញើទៅកាន់លោកនាយករដ្ឋមន្រ្តី Boris Johnson ។

លោកបានសរសេរថា«យើងជំពាក់ប្រជាជនដែលបានលះបង់ច្រើន ក្នុងជំងឺរាតត្បាតនេះ ដូច្នេះខ្ញុំបានធ្វើអោយពួកគេខកចិត្តដោយសាររំលោភលើការណែនាំ»។លោកបានបន្ថែមថា«រឿងចុងក្រោយដែលខ្ញុំចង់បាន គឺសម្រាប់ជីវិតឯកជនរបស់ខ្ញុំ សូមឱ្យប្រជាជនបង្វែរការយកចិត្តទុកដាក់» ។

ទន្ទឹមនឹងនេះដែរ លោក Boris Johnson បាននិយាយថា លោកមានការសោកស្តាយដែលបានទទួលការលាលែងរបស់លោក Matt Hancock ហើយលោកគួរតែមានមោទនភាពក្រៃលែងចំពោះការងាររបស់លោក។ RT