ភ្នំពេញ៖កាលពីថ្ងៃទី២៤ ខែឧសភា ឆ្នាំ២០២០ កសិករភ្ជួរដីនៅចំការដំឡូង បានប៉ះចំគ្រាប់ ត្បាល់១២០ម.ម ចំនួន២១ គ្រាប់ ដែលមានទីតាំងភូមិតាសៀម ឃុំតាសៀម ស្រុកស្វាយលើ ខេត្តសៀមរាប។

ភ្លាមៗនោះក្រុមកំទេចគ្រាប់(EOD)នៃអង្គការដោះមីនកម្ពុជា(CSHD)តាមសំណើរបស់ប្រជាពលរដ្ឋ បានទៅប្រមូលយកគ្រាប់ត្បាល់១២០ម.ម Type 33 ចំនួន ២១គ្រាប់នោះពីដីចំការដំឡូងដើម្បីប្រមូលយកទៅកំទេចចោល នៅកន្លែងមានសុវត្ថិភាព។

ហើយក្រុមអ្នកជំនាញ ក៏បានអំពាវនាវទៅដល់ប្រជាពលរដ្ឋនៅពេលឃើញគ្រាប់ផ្ទុះទាំងនេះកុំប៉ះពាល់កុំលេងកុំដុតកុំដំព្រោះវាបណ្តាលឲ្យរបួសពិការ ស្លាប់គ្រប់ពេលផងដែរ ៕E B