ក្រសួងមហាផ្ទៃ ជូនដំណឹងស្ដីពីការដាក់ឲ្យដេញថ្លៃ ការផ្គត់ផ្គង់ឯកសណ្ឋានសញ្ញាសក្តិ និងសម្ភារផ្សេងៗ របស់មន្ដ្រីជាន់ខ្ពស់ មន្ដ្រីក្រមការ និងមន្ដ្រីពន្ធនាគារ សម្រាប់ប្រើប្រាស់ឆ្នាំ២០២០
ក្រសួងមហាផ្ទៃ បានចេញសេចក្តីជូនដំណឹងដល់បណ្ដាក្រុមហ៊ុន/សហគ្រាស (គិតទាំងសហគ្រាសឯកត្តបុគ្គល)ទាំងអស់ ដែលបានចុះបញ្ជីត្រឹមត្រូវក្នុងព្រះរាជាណាចក្រកម្ពុជា ឲ្យបានជ្រាបថា ក្រសួងមហាផ្ទៃ ផ្នែករដ្ឋបាលទូទៅ នឹងដាក់ឲ្យដេញថ្លៃជាសាធារណៈ ដើម្បីផ្គត់ផ្គង់ឯកសណ្ឋានសញ្ញាសក្តិ និងសម្ភារផ្សេងៗរបស់មន្ដ្រីជាន់ខ្ពស់ មន្ដ្រីក្រមការ និងមន្ដ្រីពន្ធនាគារ សម្រាប់ប្រើប្រាស់ឆ្នាំ២០២០។នេះបើយោងតាមគេហទំព័ររបស់ក្រសួងមហាផ្ទៃ
ក្នុងសេចក្ដីជូនដំណឹងរបស់ក្រសួងមហាផ្ទៃ ចេញផ្សាយនាពេលថ្មីៗនេះ បានឲ្យដឹងថា ក្រសួងមហាផ្ទៃ បានរៀបចំឯកសារសម្រាប់ក្រុមហ៊ុន /សហគ្រាស បំពេញដើម្បីចូលរួមដេញថ្លៃ និងមានដាក់លក់នៅអង្គភាពលទ្ធកម្ម ផ្នែករដ្ឋបាលទូទៅ នៃអគ្គនាយកដ្ឋានភស្ដុភារ និងហរញ្ញវត្ថុ ក្រសួងមហាផ្ទៃ ដែលមានអាសយដ្ឋាន ក្នុងទីស្ដីការក្រសួងមហាផ្ទៃ ចាប់ពីថ្ងៃទី២៩ ខែមេសា ឆ្នាំ២០២០ តទៅ រៀងរាល់ម៉ោងធ្វើការ ឬទាក់ទងតាមទូរស័ព្ទលេខ ០២៣ ៧២៦ ០៤៥៕
