យោងតាមគេហទំព័រដែលមានឈ្មោះថា កងកម្លាំងរក្សាសន្តិភាពជូនពិភពលោក បានរៀបរាប់ថា ៖
អនុវត្តន៍​ការងារមនុស្សធម៌​នៅតែបន្តជាធម្មតា  MINUSMA សាធារណរដ្ឋ ម៉ាលី : នេះជារូបភាពសកម្មភាពការងាររបស់កងកម្លាំងរក្សាសន្តិភាពកម្ពុជា
៨៩១ ធ្វើការជួសជុល និងថែទាំ ផ្លូវជុំវិញបរិវេណព្រលានយន្តហោះ និងចូលរួមការពារក្បួនកងរក្សាសន្តិភាពបង់ក្លាដេស (BANBATT) ទទួលបន្ទុក​បន្សាប​គ្រឿងផ្ទុះកែច្នៃ​(IED) ។
កងកម្លាំងមួកខៀវកម្ពុជា ២រូបក្នុងចំណោម ៣រូបដែលឆ្លងកូវីដ-១៩ក្នុងតំបន់បេសកកម្ម នៅសាធារណរដ្ឋ ម៉ាលី មកទល់ពេលនេះ មានសុខភាពល្អជាធម្មតាឡើងវិញហើយ ខណៈមួយរូបទៀតកំពុងបន្តតាមដានសុខភាព ដោយមានការយកចិត្តទុកដាក់ពីក្រុមគ្រូពេទ្យជំនាញ ។ ក្រុមគ្រូពេទ្យអង្គការសហប្រជាជាតិ បានស្នើសុំឱ្យក្រុមគ្រូពេទ្យកម្ពុជា បន្តការប្រើថ្នាំព្យាបាល និងដាក់អ្នកទាំងបីឱ្យនៅដាច់ដោយឡែករយៈពេល១០ថ្ងៃថែមទៀត កំលុងពេលរង់ចាំយកសំណាកដែលយកទៅធ្វើការពិនិត្យ ដើម្បីបញ្ជាក់ថាគ្មានផ្ទុកមេរោគនេះបន្តទៅទៀត ៕ដោយPP