ភ្នំពេញ  ៖  មកដល់ពេលនេះ មានរយៈពេល១ សប្តាហ៍ហើយ នៃការរឹតបន្តឹងអនុវត្តច្បាប់ស្ដីពីចរាចរណ៍ផ្លូវគោក  ជាលទ្ធផល  សមត្ថកិច្ច ពិន័យយានយន្តល្មើសច្បាប់  ចំនួន ១៣.៩៦៨គ្រឿង  ហេីយគ្រោះចរាចរណ៍  ថយចុះជាងពាក់កណ្ដាល។ យោងតាមសេចក្ដីប្រកាសព័ត៌មានស្ដីពីលទ្ធផលនៃការរឹតបន្តឹងអនុវត្តច្បាប់ស្ដីពីចរាចរណ៍ផ្លូវគោក កាលពីថ្ងៃទី៨ ខែឧសភា ឆ្នាំ២០២០  បានឲ្យដឹងថា  គណៈកម្មការធិការជាតិសុវត្ថិភាពចរាចរណ៍ផ្លូវគោក បានវាយតម្លៃថា ការរឹតបន្តឹងអនុវត្តច្បាប់ស្ដីពីចរាចរណ៍ផ្លូវគោក១សប្តាហ៍មកនេះ ស្ថានភាពចរាចរណ៍មានភាពល្អប្រសើរជាងមុន ដោយគ្រោះថ្នាក់ចរាចរណ៍បានកើតឡើងចំនួន ៤៣/៩៥លើក ថយ៥២លើក ស្មើនឹង ៥៤ភាគរយ ស្លាប់២៤/៤០នាក់ ថយ ១៦នាក់ ស្មើ ៤០ភាគរយ និងរបួស ៥៦នាក់/១១៥នាក់ ថយ ៥៩នាក់ ស្មើជាង ៥១ភាគរយ បើធៀបនឹងរយៈពេលដូចគ្នានៃខែឧសភា ឆ្នាំ២០១៩៕ E B