ភ្នំពេញ៖ ស្ថានឯកអគ្គរាជទូតកម្ពុជាប្រចាំប្រទេសជប៉ុន បានស្នើឲ្យពលរដ្ឋខ្មែរនៅប្រទេសជប៉ុន ពិចារណាឱ្យបានហ្មត់ចត់ មុននឹងចូលរួម ឬប្រព្រឹត្តអំពើខុសច្បាប់ ដែលនាំឱ្យមានការចាប់ខ្លួន និងបាត់បង់ការងារ។

ការស្នើនេះ ធ្វើឡើងបន្ទាប់ពីកាលពីថ្មីៗនេះ ស្ថានទូតបានទទួលព័ត៌មានតាមរយៈអង្គភាពប៉ូលិសជប៉ុន និងនៅលើបណ្ដាញទំនាក់ទំនងសង្គមហ្វេសប៊ុក អីពីករណីប្រព្រឹត្តិខុសច្បាប់របស់ពលរដ្ឋខ្មែរ មួយចំនួន ដូចជា ចោរកម្ម អសុពភាពនៃទិដ្ឋការស្នាក់នៅ បើកបររថយន្ដដោយគ្មានបណ្ណបើកបរ និងមានជាតិស្រវឹងនៅពេលបើកបរ ការរត់គេចចេញពីកន្លែងធ្វើការ ដែលខ្លួនបានចុះកុងត្រា ជាមួយ ដោយសារការជឿតាមមេខ្យល់៕EB