(អន្តរជាតិ)៖ ប្រធានសភារដ្ឋឌូម៉ា លោក Vyacheslav Volodin បានសរសេរនៅលើបណ្តាញ Telegram ផ្លូវការរបស់លោកដា សហភាពអឺរ៉ុបនឹងខាតបង់ប្រហែល ២១ ពាន់លានអឺរ៉ូ ស្មើនឹង២០.៩៧ ពាន់លានដុល្លារ ប្រសិនបើប្លុកនេះ រារាំងភ្ញៀវទេសចររុស្ស៊ីពីការចូលទៅក្នុងប្លុកនេះ ខណៈដែលលោកអត្ថាធិប្បាយលើអ្វីដែលលោកហៅថា ភាពរសើបនៃសំណើដើម្បីហាមឃាត់ពលរដ្ឋរុស្សីមិនចូលសហភាពអឺរ៉ុបនៅតែបន្ត។នេះបើយោងតាមការចុះផ្សាយរបស់សារព័ត៌មានCNAនៅថ្ងៃទី ២៨ ខែសីហា ឆ្នាំ២០២២។
យោងតាមប្រភពដដែល ៨០% នៃចំនួនប្រជាជនពិភពលោកមិនគាំទ្រការដាក់ទណ្ឌកម្មប្រឆាំងនឹងទីក្រុងមូស្គូ ដែលមានន័យថា អ្នកទេសចររុស្ស៊ីមានកន្លែងទៅទស្សនាក្រៅសហភាពអឺរ៉ុប។ លើសពីនេះ លោកស្នើថា ហេដ្ឋារចនាសម្ព័ន្ធទេសចរណ៍ផ្ទាល់របស់រុស្ស៊ីគួរត្រូវបានបង្កើតឡើង ដើម្បីសម្រួលដល់ការធ្វើដំណើរក្នុងស្រុក។
លោក Vyacheslav Volodin បាននិយាយថា យោងតាមការប៉ាន់ប្រមាណអភិរក្សបំផុត អឺរ៉ុបនឹងបាត់បង់ប្រាក់ចំនួន ២១ពាន់លានអឺរ៉ូ ដោយសារតែការរឹតបន្តឹងលើការចូលរបស់ពលរដ្ឋរុស្សី។ ពួកគេដាក់ទណ្ឌកម្មខ្លួនឯងដោយសារតែភាពល្ងង់ខ្លៅ របស់ពួកគេ”៕
