(ជប៉ុន)៖ទិន្នន័យរបស់រដ្ឋាភិបាលបានបង្ហាញថា ប្រជាជនជប៉ុនសរុបមានចំនួន ១២២លាន ៤សែននាក់ នាក់នៅទូទាំងប្រទេស ក្នុងឆ្នាំ២០២២ បានធ្លាក់ចុះចំនួន ៨សែននាក់ ដែលជាការធ្លាក់ចុះដ៏ធំបំផុត និងជាលើកដំបូងដែលខេត្តទាំង ៤៧ របស់ប្រទេសនេះ បានឃើញការធ្លាក់ ចុះនេះជាលើកទីមួយ។នេះបើតាមសេចក្តីរាយការណ៍ដោយទីភ្នាក់ងារសារព័ត៌មាន NHK នៅថ្ងៃទី២៦ ខែកក្ដដា ឆ្នាំ២០២៣។

ការស្ទង់មតិបានបង្ហាញថា ចំនួនប្រជាជននៃជនជាតិជប៉ុនបានធ្លាក់ចុះក្នុងរយៈពេល ១៤ ឆ្នាំជាប់គ្នាក្នុងឆ្នាំ ២០២២ ជាមួយនឹងអត្រាកំណើតទាបបំផុតនៃ ៧សែននាក់នៅក្នុងប្រទេសជប៉ុន ខណៈចំនួនអ្នកស្លាប់មានចំនួន ១.៥៧ លាននាក់។

ទន្ទឹមនឹងនេះដែរ ចំនួនជនបរទេស បានកើនឡើងជាលើក ដំបូងក្នុងរយៈពេលបីឆ្នាំពីជាង ២សែន ៨ម៉ឺននាក់ ដល់ ២លាន ៩សែន៩ម៉ឺននាក់ ដោយសារការបន្ធូរបន្ថយយ៉ាង ច្រើន នៃការរឹតត្បិតការចូល នៃជំងឺរាតត្បាតកូវីដ-១៩ បានសម្រួលដល់ការវិលត្រឡប់របស់និស្សិតអន្តរជាតិ និងអ្នកហាត់ការបច្ចេកទេស។ តាមខេត្ត មានតែទីក្រុងតូក្យូប៉ុណ្ណោះ ដែលបានចុះបញ្ជីការកើនឡើងចំនួនប្រជាជនសរុបដោយ សារតែការហូរចូល នៃជនបរទេសយ៉ាងច្រើនទៅកាន់រដ្ឋធានី ខណៈដែលខេត្ត អាគីតា (Akita) នៅភាគឦសានប្រទេសជប៉ុនបានកត់ត្រាការថយចុះចំនួនប្រជាជនច្រើនបំផុតនៅត្រឹម ១.៦៥ ភាគរយ៕