(អង់គ្លេស)៖ ក្រោយពីរដ្ឋមន្ត្រីការពារជាតិរុស្ស៊ីលោក Sergei Shoigu បានធ្វើការចោទប្រកាន់អំពីការវាយប្រហារ ដោយគ្រាប់បែកយ៉ាងសាហាវ ដែលអាចកើតមាន នៅក្នុងពេលសន្ទនាតាមទូរស័ព្ទ ជាមួយប្រមុខការពារប្រទេស លោកខាងលិចកាលពីថ្ងៃអាទិត្យ ឥឡូវនេះ សហរដ្ឋអាមេរិក អង់គ្លេស និងបារាំង កាលពីថ្ងៃអាទិត្យបានរួមគ្នាច្រានចោល ការអះអាងរបស់រុស្ស៊ី ដែលថាអ៊ុយក្រែនកំពុងរៀបចំប្រើគ្រាប់បែកវិទ្យុសកម្ម ហើយបានព្រមានក្រុងម៉ូស្គូ កុំឱ្យប្រើលេសណាមួយ សម្រាប់ការបង្កើនជម្លោះ។នេះបើតាមសារព័ត៌មាន The Moscow Times ចេញផ្សាយនៅថ្ងៃទី២៤ ខែតុលា ឆ្នាំ២០២២ បានឱ្យ

ក្រសួងការបរទេសអាមេរិក បាននិយាយនៅក្នុងសេចក្តីថ្លែងការណ៍រួមមួយ ជាមួយរដ្ឋាភិបាលអង់គ្លេស និងបារាំងថា “ប្រទេសរបស់យើងបានបញ្ជាក់យ៉ាងច្បាស់ថា យើងទាំងអស់គ្នាបដិសេធការចោទប្រកាន់ មិនពិតប្រកបដោយតម្លាភាពរបស់រុស្ស៊ី ដែលថា អ៊ុយក្រែនកំពុងរៀបចំ ប្រើប្រាស់គ្រាប់បែកវិទ្យុសកម្ម សាហាវនៅលើទឹកដីរបស់ខ្លួន។

សេចក្តីថ្លែងការណ៍បានបន្តថា “ពិភពលោកនឹងមើលឃើញ តាមរយៈការប៉ុនប៉ងណាមួយ ដើម្បីប្រើការចោទប្រកាន់នេះធ្វើជាលេសសម្រាប់ការកើនឡើង។ យើងច្រានចោលបន្ថែមទៀត នូវលេសណាមួយសម្រាប់ការកើនឡើងដោយរុស្ស៊ី”។

គួរបញ្ជាក់ថា គ្រាប់បែកវិទ្យុសកម្ម ឬ dirty bomb ត្រូវបានរចនាឡើងដើម្បីបំពុលតំបន់ដ៏ធំមួយ ជាមួយសារធាតុវិទ្យុសកម្ម ដែលធ្វើឱ្យវាមានគ្រោះថ្នាក់សម្រាប់ជនស៊ីវិល។ វាមិនពាក់ព័ន្ធនឹងការផ្ទុះនុយក្លេអ៊ែរទេ៕