ភ្នំពេញ ៖ រាជរដ្ឋាភិបាល សម្រេចបង្កើតតំបន់បេតិកភណ្ឌធម្មជាតិ ភ្នំប្រាំពីរ មានផ្ទៃដីទំហំ ៣៥៣,៩ ហិចតា ស្ថិតក្នុងភូមិសាស្ដ្រ ឃុំបួរ ស្រុកភ្នំព្រឹក។

យោងតាមសេចក្ដីអនុក្រឹត្យ របស់រាជរដ្ឋាភិបាល កាលពីថ្ងៃទី២៥ ខែឧសភា ឆ្នាំ២០២០ បានឲ្យដឹងថា អនុក្រឹត្យនេះមានគោលបំណង ដូចជា ៖ 

ទី១-ការពារតួនាទីផ្នែកប្រព័ន្ធអេកូឡូស៊ីសម្រាប់ជាប្រយោជន៍របស់មនុស្សគ្រប់ជំនាន់។

ទី២-កម្រិតដល់ការប្រើប្រាស់ធនធានជីវៈចម្រុះ ធនធានធម្មជាតិ ធនធានវប្បធម៌ និងមុខងារនៃតំបន់នេះ ។

ទី៣-ការពារសោភណភាព ទេសភាពធម្មជាតិ និងតម្លៃធម្មជាតិនៃតំបន់នេះ សម្រាប់បម្រើដល់ ការកម្សាន ការទស្សនា ការអប់រំ ការសិក្សាស្រាវជ្រាវវិទ្យាសាស្ដ្រ ជាដើម។

ទី៤-ផ្ដល់សេវាកម្មធម្មជាតិ និងវប្បធម៌សម្រាប់ការប្រើប្រាស់ប្រកបដោយនិរន្ដរភាព។

និងទី៥-លើកកម្ពស់ការចូលរួមរបស់សហគមន៍មូលដ្ឋាន ក៏ដូចជាសាធារណជន ក្នុងការរួមចំណែកដល់ ការគ្រប់គ្រង ការការពារ និងការភិរក្សជីវៈចម្រុះ៕ E B