(អាមេរិក)៖ សេតវិមានកំពុងពិចារណាលើជំហានដើម្បីរឹតបន្តឹងការវិនិយោគរបស់សហរដ្ឋអាមេរិកនៅក្នុងក្រុមហ៊ុនបច្ចេកវិទ្យាចិន ចំពេលមានភាពតានតឹងកើនឡើងរវាងប្រទេសដែលមានសេដ្ឋកិច្ចធំជាងគេទាំងពីរ។នេះបើតាមសេចក្តីរាយការណ៍ពីសារព័ត៌មាន Bloomberg នៅថ្ងៃទី០៥ ខែកញ្ញា ឆ្នាំ២០២២។

ប្រធានាធិបតីអាមេរិកលោក Joe Biden ត្រូវបានគេរំពឹងថានឹងចុះហត្ថលេខាលើបទបញ្ជាប្រតិបត្តិស្តីពីការទប់ស្កាត់ការវិនិយោគនៅក្នុងប៉ុន្មានខែខាងមុខនេះ។ ប្រភព​មួយ​បាន​ប្រាប់​ទីភ្នាក់ងារ​ថា សកម្មភាព​ដាច់​ដោយ​ឡែក​ពី​គ្នា​អាច​នឹង​ត្រូវ​បាន​ចាត់​ការ​ប្រឆាំង​នឹង TikTok ជា​កម្មវិធី​ចែក​រំលែក​វីដេអូ​ដ៏​ពេញ​និយម​របស់​ប្រទេស​ចិន។

សេតវិមានត្រូវបានគេរាយការណ៍ថាកំពុងពិភាក្សាជាមួយសភាអំពីលទ្ធភាពនៃការអនុម័តច្បាប់ដែលតម្រូវឱ្យក្រុមហ៊ុនអាមេរិកផ្តល់ការជូនដំណឹងជាមុនអំពីការវិនិយោគដែលអាចកើតមាននៅក្នុងឧស្សាហកម្មមួយចំនួនរបស់ចិន។ ការបង្កើតប្រព័ន្ធអនុញ្ញាតឱ្យរដ្ឋាភិបាលរារាំងការវិនិយោគបែបនេះទាំងស្រុងក៏កំពុងត្រូវបានពិចារណាផងដែរ៕

អត្ថបទទាក់ទង

ព័ត៌មានថ្មីៗ