(គុយវ៉ែត)៖ រាជទាយាទរបស់គុយវ៉ែត បានទទួលយកការលាលែងពីតំណែង របស់រដ្ឋាភិបាលកាលពីថ្ងៃអាទិត្យ បន្ទាប់ពីការបោះឆ្នោតសភា នៅក្នុងប្រទេសឈូងសមុទ្រអារ៉ាប់ដែលបេក្ខជនប្រឆាំងទទួលបានផលប្រយោជន៍យ៉ាងច្រើន។នេះបើតាមសេចក្តីរាយការណ៍របស់ទីភ្នាក់ងារសារព័ត៌មានគុយវ៉ែត (KUNA) នៅថ្ងៃទី១០ ខែតុលា ឆ្នាំ២០២២។

 

គួរបញ្ជាក់ថា ប្រទេសគុយវ៉ែតបានរៀបចំការបោះឆ្នោតមុនកាលកំណត់នៅថ្ងៃទី២៩ ខែកញ្ញា បន្ទាប់ពីលោក សេក ម៉ាសាល បានរំលាយសភាក្នុងគោលបំណង ដើម្បីបញ្ចប់ជម្លោះនយោបាយរវាងរដ្ឋាភិបាល និងស្ថាប័ននីតិប្បញ្ញត្តិ ដែលបានរារាំងកំណែទម្រង់សារពើពន្ធ។ ភាពជាប់គាំងរវាងរដ្ឋាភិបាល និងសភារបស់ប្រទេសគុយវ៉ែត ជារឿយៗនាំឱ្យមានការរុះរើគណៈរដ្ឋមន្ត្រី និងការរំលាយសភាក្នុងរយៈពេលជាច្រើនទសវត្សរ៍ ដោយរារាំងការវិនិយោគ និងកំណែទម្រង់ផងដែរ៕