ភ្នំពេញ៖ នៅចុងខែមករា និងពាក់កណ្តាលខែកុម្ភៈ ឆ្នាំ២០២២ កម្ពុជា នឹងបញ្ជូនកងទ័ពមួកខៀវជាង​៤០​០នាក់ ទៅចូលរួមបំពេញបេសកកម្មអង្គការសហប្រជាជាតិ នៅសាធារណរដ្ឋលីបង់ចំនួន១៨៤នាក់ ជាកម្លាំងវិស្វកម្មពហុជំនាញ និងទៅសាធារណរដ្ឋអាហ្វ្រិកកណ្តាលចំនួន២១៩នាក់ ជាកម្លាំង វិស្វកម្មនិ​ងក​ងកម្ទេចគ្រឿងផ្ទុះ ដើម្បីប្តូរវេនកម្លាំងចាស់ដែលត្រូវបញ្ចប់បេសកកម្ម រយៈពេល១ឆ្នាំ។

 នេះបើតាមការលើកឡើងរបស់លោក សែម សុវណ្ណនី អគ្គនាយកមជ្ឈមណ្ឌលជាតិគ្រប់ គ្រងកងកម្លាំ​​ងរក្សា​សន្តិភាព បានលើ​​កឡើ​ងនៅក្នុងពិធីជួបសំណេះសំណាលជាមួយ នាយ ទាហានមជ្ឈមណ្ឌ​លជា​តិ​រក្សាសន្តិភាព ក្រោម​អធិបតីភាព លោក ប្រាក់ សុខុន ឧបនាយក រដ្ឋមន្ត្រី រដ្ឋមន្ត្រីក្រសួងការបរទេស និង​សហ​ប្រតិ​បត្តិការ​អន្តរជា​តិ និងជាប្រធានគណៈ កម្មាធិការជាតិ នាថ្ងៃទី០៦ ខែមករា ឆ្នាំ២​០២២​​។

លោកបានបន្តថា រយៈពេល១៦ឆ្នាំនេះ គិតចាប់ពីឆ្នាំ២០០៦ រហូតមកដល់ បច្ចុប្បន្ន មជ្ឈមណ្ឌ​លជាតិ​​បានបញ្ជូនកងកម្លាំងសរុបចំនួន៧៨៩៩នាក់ ក្នុងនោះមាននារីចំនួន ៥២៨នាក់ ទៅកាន់​បេសក​កម្មចំនួ​ន១១ ក្នុងប្រទេសចំនួន៩មានជាអាទិ៍៖ ស៊ូដង់ ឆាដ ស៊ូដង់ ខាងត្បូង លីបង់ ស៊ីប ស៊ីរី ម៉ាលី អាហ្វ្រិក​កណ្តាល និងយេមែន ដោយទទួលបានស្នាដៃ ដ៏ត្រចះត្រចង់។

 នាឱកាសនោះដែរ លោក ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ និងជា​​ប្រ​ធា​នគណៈកម្មាធិការជាតិសម្របសម្រួលនៃការបញ្ជូន កងកម្លាំងរក្សាសន្តិភាព បានថ្លែងថា កម្លាំងមួកខៀវកម្ពុជាដែលត្រៀមចេញទៅ បេសកកម្ម នេះ គឺជាការឆ្លើយតបទៅនឹ​ងការប្តេ​ជ្ញាចិត្ត​​បង្កើនការចូលរួមទាំងបរិមាណ និងគុណភាព របស់ប្រមុខរាជរដ្ឋាភិបាល ហើយកម្លាំងទាំងនេះ បាន និង​កំពុងទទួលការហ្វឹកហ្វឺនស្រប តាមការកែទម្រង់ថ្មីរបស់ អ.ស.ប. តាមរយៈសកម្មភាព​ដើម្បីសន្តិ​ភាព​បូក និងស្របទៅនឹងការ រស់នៅជាមួយជំងឺកូវីដ-១៩ តាមគន្លងប្រក្រតីភាពថ្មី៕SP