ប្រជាជនជាង១៤លាននាក់នៅក្នុងប្រទេសមីយ៉ាន់ម៉ា កំពុងត្រូវការជំនួយមនុស្សធម៌ចំណីអាហារ និងសម្ភារៈវេជ្ជសាស្រ្តបន្ទាប់ពីយោធាបានដណ្តើមអំណាច
មីយ៉ានម៉ា៖ប្រជាជនជាង១៤លាននាក់នៅក្នុងប្រទេសមីយ៉ាន់ម៉ាកំពុងត្រូវការជំនួយចំណីអាហារ និងសម្ភារៈវេជ្ជសាស្រ្ត នេះបើតាមការឱ្យដឹងពីទីភ្នាក់ងារអង្គការសហប្រជាជាតិ។បើយោងតាមការចុះផ្សាយរបស់សារព័ត៌មាន NHK នៅថ្ងៃទី ០៣ ខែមករា ឆ្នាំ២០២២។
ប្រជាជនជាង១៤លាននាក់នៅក្នុងប្រទេស មីយ៉ាន់ម៉ា ដែលស្មើនឹងប្រហែលមួយភាគបួននៃចំនួនប្រជាជនសរុបរបស់ប្រទេសនេះ នឹងត្រូវការជំនួយ មនុស្សធម៌ដូចជាអាហារ និងការផ្គត់ផ្គង់វេជ្ជសាស្រ្ត។ការិយាល័យអង្គការសហប្រជាជាតិសម្រាប់ការសម្របសម្រួលកិច្ចការមនុស្សធម៌ ឬ OCHA បានចេញ ផ្សាយរបាយការណ៍ស្តីពីតម្រូវការមនុស្សធម៌ នៅក្នុងប្រទេសមីយ៉ាន់ម៉ា។របាយការណ៍បាននិយាយថា តម្លៃស្បៀង និងប្រេងបានកើនឡើងបន្ទាប់ពីយោធាបានដណ្តើមអំណាចក្នុងរដ្ឋប្រហារកាលពីខែកុម្ភៈ។
ក្នុងនោះOCHA បានសម្តែងការព្រួយបារម្ភអំពីផលប៉ះពាល់នៃជំងឺរាតត្បាតលើការអប់រំ ដោយបានកត់សម្គាល់ថា ការរៀនសូត្រត្រូវបានរំខានដល់កុមារប្រហែល១២លាននាក់ក្នុងឆ្នាំ២០២០ និង ២០២១ ដោយសារការ បិទសាលារៀន។
សូមបញ្ជាក់ថា តម្លៃស្បៀងនិងប្រេងបានកើនឡើងបន្ទាប់ពីយោធាបានដណ្តើមអំណាចក្នុងរដ្ឋប្រហារកាលពីខែកុម្ភៈ។ របាយការណ៍បាននិយាយថា "ប្រជាជនមីយ៉ាន់ម៉ាកំពុងប្រឈមមុខនឹងវិបត្តិនយោបាយ សេដ្ឋកិច្ចសង្គម សិទ្ធិមនុស្ស និងមនុស្សធម៌ដែលមិនធ្លាប់មានពីមុនមក ជាមួយនឹងតម្រូវការកើនឡើងយ៉ាងខ្លាំង"៕SP
