ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នាព្រឹកថ្ងៃទី២៨ ខែតុលា ឆ្នាំ២០២៣នេះ បានអញ្ជើញជួបសំណេះសំណាល ជាមួយបងប្អូនកម្មករ និយោជិត ចំនួន ១៨.០២៨នាក់ នៅតាមបណ្តារោងចក្រ សហគ្រាស ដែលមានមូលដ្ឋាន ក្នុងខណ្ឌមានជ័យ និងខណ្ឌពោធិ៍សែនជ័យ រាជធានីភ្នំពេញ។

សម្តេចធិបតី កំពុងជួបសំណេះសំណាល ជាមួយបងប្អូនកម្មករ និយោជិត ដែលមកពីតាមបណ្តារោងចក្រ សហគ្រាសចំនួន ៣២រោងចក្រ ក្នុងខណ្ឌមានជ័យ និងខណ្ឌពោធិ៍សែនជ័យនេះ ជាប្រភេទរោងចក្រកាត់ដេរសម្លៀកបំពាក់ ចំនួន ២៩  រោងចក្រសេវាប៉ាក់សម្លៀកបំពាក់ ចំនួន១ រោងចក្រខារអំបោះ ចំនួន១ និងរោងចក្របោះពុម្ពលើក្រណាត់ ចំនួន១។

គួរបញ្ជាក់ថា នេះគឺជាលើកទី៧ ដែលសម្តេចធិបតី ហ៊ុន ម៉ាណែត បានអញ្ជើញចុះជួបសំណេះសំណាល ជាមួយនឹងបងប្អូនកម្មករ និយោជិត តាមបណ្តារោងចក្រ សហគ្រាសនានា ក្នុងឋានៈជា នាយករដ្ឋមន្ត្រី នៃព្រះរាជាណាចក្រកម្ពុជា៕EB