នាយករដ្ឋមន្ត្រីថៃលោក បា្រយុទ្ធ ចាន់អូចា បានបង្ហើបឱ្យដឹងថា ការរុះរើគណៈរដ្ឋមន្ត្រីអាចនឹងត្រូវធ្វើឡើង នៅខែសីហាខាងមុខនេះ បន្ទាប់ពីរដ្ឋមន្ត្រីហិរញ្ញវត្ថុ លោក អ៊ុតតាម៉ា សាវ៉ាណាយ៉ាណា និងមន្ត្រីជាន់ខ្ពស់បីរូបផ្សេងទៀត បានសម្រេចចិត្តដាក់លិខិតសុំលាលែងចេញពីតំណែង ហើយក៏ត្រូវបានចូលជាធរមានភ្លាមៗដែរ កាលពីថ្ងៃព្រហស្បតិ៍ម្សិលមិញ។ នេះបើតាមការចេញផ្សាយដោយសារព័ត៌មានថៃ Bangkok Post នៅថ្ងៃសុក្រ ទី១៧ ខែកក្កដា ឆ្នាំ២០២០។

ចំពោះរដ្ឋមន្ត្រី៣រូបទៀតមាន រដ្ឋមន្ត្រីថាមពល រដ្ឋមន្ត្រីឧត្ដមសិក្សា វិទ្យាសាស្ត្រ និងច្នៃប្រឌិ  លេខារងនាយករដ្ឋមន្ត្រី និងឧបនាយករដ្ឋមន្ត្រីទទួលបន្ទុកក្រុមការងារសេដ្ឋកិច្ច បានលាលែងចេញពីតំណែងជា កាលពីថ្ងៃពុធកន្លងទៅនេះ ។

តែយ៉ាងណាក៏ដោយ លោកនាយករដ្ឋមន្ត្រីថៃ ប្រាយុទ្ធ ចាន់អូចា បានអះអាងថា រូបលោកមិនបានស្ថិតនៅក្រោម សម្ពាធអ្វីទាំងអស់ ក្នុងការរុះរើគណៈរដ្ឋមន្ត្រី ដែលអាចនឹងធ្វើឡើងក្នុងពេលឆាប់ៗនេះ។ 

នាយករដ្ឋមន្ត្រីថៃរូបនេះបានបន្ថែមទៀតថា ស្ថានភាពនយោបាយនៅក្នុងប្រទេសថៃ បានផ្លាស់ប្ដូរហើយ ដូច្នេះទើបមន្ត្រីជាន់ខ្ព ស់ ទាំងបួនរូបរបស់លោក លាលែងចេញពីតំណែង។ លោក ប្រាយុទ្ធ ក៏បានអំពាវនាវប្រជាជនថៃបន្តទុកចិត្តរូប លោកក្នុង ការ ជ្រើសរើសគណៈរដ្ឋមន្ត្រីថ្មីផងដែរ តែលោកបានបញ្ជាក់ជាមុនថា លោកនឹងមិនអាចធ្វើតាមការអង្វររបស់នរណាម្នាក់ឡើយ៕SP