ក្រោយពីក្រុមការងារសាព័ត៌មានNP បានធ្វើការផ្សព្វផ្សាយពីទុក្ខលំបាករបស់ស្ត្រី មានជំងឺប្រចាំកាយដេកដួលនឹងកន្ទេល ត្រូវបានប្តីរត់ចោលរួចមក ពេលនេះនាងបានទទួលការជួយពីសំណាក់ ឯកឧត្តម ស្វាយ សំអុល និងលោកជំទាវ ព្រមទាំងលោកជំទាវ សុក វ៉ាន់នី ត្រូវជាដន្លង ហើយ។ ដោយ ឯកឧត្តម ស្វាយ សំអុល និងលោកជំទាវ ព្រមទាំងលោក ជំទាវ សុក វ៉ាន់នី ត្រូវជាដន្លង បានផ្តល់ជូននូវជំនួយជាថវិការ ស្បៀងអាហារមួយចំនួន ព្រមទាំងបង់ថ្លៃជួលផ្ទះដែលស្ត្រីរូបនេះបានជំពាក់កាលពីពេលកន្លងមក ព្រមទាំងបន្តចេញប្រាក់បង់ថ្លៃផ្ទះជួលនោះ៣ខែបន្តទៀត។

ដោយស្បៀងអាហារដែលឧបត្ថមមានដូចជា ៖ថវិការ ១លានរៀល អង្ករ១បាវ មី២កេះ ទឹកត្រី១យួ ទឹកស៊ីអ៊ីវ ១យួរ ស្ករស ៥គីឡូ ប៊ីចេង៥កញ្ចប់ អំបិលចំនួន៥គីឡូផងដែរ។

សម្រាប់ការជួយនេះផងដែរ ក្នុងនាមក្រុមការងារសារព័ត៌មានNP សូមសម្តែងការអរគុណចំពោះទឹកចិត្តសប្បុរសធម៌របស់ឯកឧត្តម ស្វាយ សំអុល និងលោកជំទាវ ព្រមទាំងលោកជំទាវ សុក វ៉ាន់នី ត្រូវជាដន្លង ដែលបានយកចិត្តទុកដាក់ជួយស្ត្រីរងគ្រោះដោយ ពុំមើលនឹងភ្នែកនោះឡើយ។

គួររំលឹកផងដែរថា ស្ត្រីម្នាក់ធ្លាក់ខ្លួនឈឺបន្ទាប់ពីប្តីរត់ចោល មានកូន៤នាក់និងម្តាយចាស់ជរានៅក្នុងបន្ទុក។ ដោយមានជីវភាពទីទាល់ក្រលំបាក និងមានជម្ងឺប្រចាំកាយទៀតផង ស្ត្រីឈ្មោះ គឺម ស្រៀង រូបនេះបានបង្ខំចិត្តឱ្យកូនតូចៗរបស់ខ្លួនដើរសុំទាននៅតាមដងផ្លូវដើម្បីរកប្រាក់មកទិញបាយហូប មកដល់ពេលនេះកូនរបស់ស្ត្រីរូបនេះម្នាក់បានបាត់បងជីវិត ។

ក្នុងសភាពទ្រុឌទ្រោម និងស្គមស្គាំងពុំអាចងើបពីគ្រែរួច នារីរូបនេះ បានឱ្យដឹងថាមានជំងឺ ដុះសាច់ក្នុងពោះ (មានអាការៈចុកពោះ ក្អួតឈាម ស្តាប់លឺតែនិយាយមិនចេញ និងមានដំបៅជើង...) ហើយនាងមានជំងឺរ៉ាំរ៉ៃបែបនេះច្រេីនខែមកហេីយ៕