អតីតប្រធានាធិបតីកូរ៉េខាងត្បូង Lee ទទួលបានការលើកលែងទោសពីប្រធានាធិបតី Yoon Seok-yeol
កូរ៉េខាងត្បូង ៖ អតីតប្រធានាធិបតីកូរ៉េខាងត្បូង លោក Lee Myung-bak បានទទួលការលើកលែងទោសពីប្រធានាធិបតី ដោយកាត់បន្ថយការជាប់ពន្ធនាគាររយៈពេល ១៧ឆ្នាំ របស់គាត់ពីបទពុករលួយ។នេះបើតាមការចេញផ្សាយដោយសារព័ត៌មានAljazeera នៅថ្ងៃទី ២៧ ខែធ្នូ ឆ្នាំ២០២២។
ប្រធានាធិបតីកូរ៉េខាងត្បូង Yoon Seok-yeol បានចេញការលើកលែងទោសដល់លោក Lee កាលពីថ្ងៃអង្គារ ជាផ្នែកមួយនៃការលើកលែងទោសដ៏ធំ ដែលជារឿងធម្មតានៅក្នុងប្រទេសអាស៊ីបូព៌ាជុំវិញថ្ងៃបុណ្យជាតិ។
រដ្ឋមន្ត្រីក្រសួងយុត្តិធម៌កូរ៉េខាងត្បូង លោក Han Dong-hoon បានប្រាប់អ្នកយកព័ត៌មានថា ប្រធានាធិបតីកូរ៉េខាងត្បូង Yoon Seok-yeol បានធ្វើការលើកលែងទោសដល់មនុស្សជាង ១៣០០នាក់ ដើម្បីជំរុញ "ឯកភាពជាតិ តាមរយៈការផ្សះផ្សាជាតិ ការអត់ឱន និងការពិចារណា"។
ក្នុងនោះមានអតីតឥស្សរជនខ្ពស់ផ្សេងទៀតដែលរួមបញ្ចូលនៅក្នុងការលើកលែងទោសរួមមាន Kim Kyoung-soo អតីតអភិបាលខេត្ត និង Choi Kyoung-hwan អតីតរដ្ឋមន្ត្រីហិរញ្ញវត្ថុ។
សូមបញ្ជាក់ថា លោក Lee ដែលបានបម្រើការជាការប្រធានាធិបតីចន្លោះឆ្នាំ ២០០៨ និង ២០១៣ ត្រូវបានកាត់ទោសពីបទស៊ីសំណូក និងកេងបន្លំក្នុងឆ្នាំ ២០១៨៕
