អាមេរិក ៖ ក្រុមហ៊ុន Tesla កំពុងប្រមូលរថយន្តរបស់ខ្លួនជិត ២ លានគ្រឿង នៅលើដងផ្លូវរបស់ សហរដ្ឋអាមេរិក ដើម្បីកំណត់ការប្រើប្រាស់មុខងារ Autopilot របស់ខ្លួន បន្ទាប់ពីការស៊ើបអង្កេត រយៈពេល ២ ឆ្នាំ ដោយនិយតករសុវត្ថិភាពរបស់សហរដ្ឋអាមេរិក អំពីគ្រោះថ្នាក់ប្រហែល១ពាន់ករណី។

ដែនកំណត់លើ Autopilot ដើរតួជាផលប៉ះពាល់ដល់កិច្ចខិតខំប្រឹងប្រែងរបស់ក្រុមហ៊ុន Tesla ក្នុងការ ធ្វើទីផ្សាររថយន្តរបស់ខ្លួនដល់អ្នកទិញ ដែលមានឆន្ទៈក្នុងការបង់ប្រាក់បន្ថែម ដើម្បីឱ្យរថយន្តរបស់ ពួកគេធ្វើការបើកបរសម្រាប់ពួកគេ។

រដ្ឋបាលសុវត្ថិភាពចរាចរណ៍ផ្លូវហាយវេជាតិបាននិយាយថា ប្រព័ន្ធ Autopilot អាចផ្តល់ឱ្យអ្នកបើកបរ នូវអារម្មណ៍សុវត្ថិភាពខុសឆ្គង និងងាយស្រួលប្រើ ក្នុងស្ថានភាពគ្រោះថ្នាក់មួយចំនួន នៅពេលដែល បច្ចេកវិទ្យារបស់ក្រុមហ៊ុន Tesla មិនអាចធ្វើដំណើរដោយសុវត្ថិភាព។ 

ការអាប់ដេតកម្មវិធី នឹងផ្តល់ឱ្យអ្នកបើកបរ Tesla នូវការព្រមានបន្ថែមទៀត នៅពេលដែលពួកគេ មិនយកចិត្តទុកដាក់លើផ្លូវខណៈពេលដែលមុខងារ "Autopilot" ត្រូវបានបើក។ ការជូនដំណឹងទាំងនោះនឹងរំលឹកអ្នកបើកបរឱ្យរក្សាដៃរបស់ពួកគេនៅលើចង្កូត និងយកចិត្តទុកដាក់ លើផ្លូវ នេះបើយោងតាមសេចក្តីថ្លែងការណ៍ពី NHTSA ៕