អាមេរិក៖ កូនប្រុសប្រធានាធិបតីអាមេរិក Donald trump គឺលោក Eric Trump បានជំរុញឲ្យមេដឹកនាំប្រទេសនានា បើកការចរចាជាបន្ទាន់ជាមួយអាមេរិក ក្រោយលោក Donald trump ដែលជាឪពុករបស់លោកបានប្រកាសដំឡើងពន្ធលើទំនិញនាំចូល។នេះបើតាមការចេញផ្សាយដោយសារព័ត៌មាន The Wall street Journal នៅថ្ងៃទី ៣ ខែមេសា ឆ្នាំ២០២៥។

សារដែលបានបង្ហោះក្នុងបណ្តាញសង្គមផ្លូវការរបស់ លោក Eric Trump  បានលើកឡើងថា ៖ នរណាមកចរចាមុន បានផលប្រយោជន៍ និងឈ្នះ ហើយអ្នកដែលមកយឺត និងចុងក្រោយនឹងចាញ់ ហើយបាត់ផលប្រយោជន៍។

សូមបញ្ជាក់ថា Eric Trump គឺជាកូនប្រុសទីបីរបស់ប្រធានាធិបតី អាមេរិក Donald Trump Eric Trump បានបញ្ចប់ការសិក្សាថ្នាក់បរិញ្ញាបត្រផ្នែកហិរញ្ញវត្ថុ និងការគ្រប់គ្រងធនធានមនុស្សពីសាកលវិទ្យាល័យ Georgetown (សហរដ្ឋអាមេរិក)។លោក Eric Trump បានចូលរួមអាជីវកម្មគ្រួសារមុនពេលកំណត់។ 

បច្ចុប្បន្នគាត់កាន់តំណែងជាអនុប្រធានប្រតិបត្តិនៃអង្គការ Trump ហើយ Eric មានជំនាញក្នុងការគ្រប់គ្រងគម្រោងអចលនទ្រព្យរបស់គ្រួសារគាត់៕