អាមេរិក ៖ប្រធានាធិបតីអាមេរិក លោក ដូណាល់ ត្រាំ ប្រកាសផ្អាកការអនុវត្តពន្ធគយថ្មីរយៈពេល៩០ថ្ងៃលើប្រទេសជាច្រើន លើកលែងតែប្រទេសចិន តម្លើងដល់១២៥% ។នេះបើតាមសារដែលបានបង្ហោះចេញពីបណ្តាញសង្គមផ្លូវការរបស់លោក តាំ្រកាលពីយប់ឈានចូលថ្ងៃទី១០ ខែមេសា ឆ្នាំ២០២៥។

នៅក្នុងការផ្លាស់ប្តូរយ៉ាងខ្លាំងនៃគោលនយោបាយ ត្រឹមតែប៉ុន្មានម៉ោងបន្ទាប់ពីការដកពន្ធប្រឆាំងនឹងដៃគូពាណិជ្ជកម្មប្រហែល ៦០ របស់អាមេរិកបានចាប់ផ្ដើម លោក Trump បាននិយាយថាគាត់កំពុងផ្តល់សិទ្ធិជាសកលនូវ "ការទម្លាក់ពន្ធទៅវិញទៅមកចំនួន 10%" នៅពេលដែលការចរចានៅតែបន្ត។ក្នុងពេលជាមួយគ្នានេះ លោកបានដំឡើងពន្ធលើទំនិញពីប្រទេសចិនដល់ទៅ 125% ក្នុងនោះលោក តាំ្របានលើកឡើងថា ការតម្លើងពន្ធនេះ មកពី ទីក្រុងប៉េកាំងថា "ខ្វះការគោរព" បន្ទាប់ពីខ្លួនចិន ប្រកាសនឹងដាក់ពន្ធមកលើអាមេរិក 84%  ។

គួរបញ្ជាក់ថា តាមក្រុមអ្នកជំនាញ ចិនសព្វថ្ងៃបានត្រៀមលក្ខណៈយ៉ាងល្អប្រសើរ ដើម្បីធ្វើសង្រ្គាមពាណិជ្ជកម្មជាមួយសហរដ្ឋអាមេរិក បើធៀបទៅនឹងសង្រ្គាមពាណិជ្ជកម្មរបស់លោក ត្រាំ កាលពីអាណត្តិទី១ ក្រោយសិក្សារៀនសូត្រ អស់ពេលជាង ៨ឆ្នាំមកនេះ។ ចិនបានព្យាយាមកសាងបណ្ដាញដៃគូពាណិជ្ជកម្មរបស់ខ្លួនឱ្យកាន់តែទូលំទូលាយ និងកាត់បន្ថយការពឹងផ្អែកលើសហរដ្ឋអាមេរិកទាំងការនាំចូល និងនាំចេញ។ 

លោក Wang Yiwei ជាសាស្ត្រាចារ្យខាង ទំនាក់ទំនងអន្តរជាតិនៅឯសាកលវិទ្យាល័យ Renmin University និងជាអតីតមន្ត្រីការទូតចិនម្នាក់ បាននិយាយថា «ចិនប្រហែលជាកំពុងរំពឹងថាកិច្ចប្រឹងប្រែងរបស់លោក ត្រាំ អាចនឹងថមថយសន្ទុះក្នុងពេលឆាប់ៗ។ ដោយលើកឡើងពី សុភាសិតចិន សាស្ត្រាចារ្យរូបនេះបានបន្ថែមថា «ជាធម្មតា កងទ័ពតែងតែមានស្មារតីប្រយុទ្ធខ្លាំងបំផុតនៅពេលលឺសូរសំឡេងវាយស្គរប្រយុទ្ធលើកទី១ តែស្មារតីប្រយុទ្ធបែបនេះអាចនឹងថមថយមកវិញ នៅពេលស្គរប្រយុទ្ធលើកទី២ បន្លឺសំឡេងឡើង»៕