សៀមរាប៖ហេតុការណ៍ដ៏រន្ធត់មួយបានកើតឡើងក្រោយ ប្រពន្ធចេញមកក្រៅហើយដើរទៅក្រោយ​កន្លែ​ងអាងចិញ្ចឹមក្រពើ ក៏ឃើញប្តីរបស់គាត់បានស្លាប់នៅក្នុងអាងចិញ្ចឹមក្រពើ។​ហេតុកា​រនេះ​បាន​កើត​ឡើងនៅម៉ោង៥និង៤០នាទីព្រឹកក្នុងថ្ងៃទី២៦ ខែឧសភា ឆ្នាំ២០២៣ ស្ថិតនៅភូមិពោ​ធិ៍បន្ទាយជ័យ សង្កា​ត់ ​សៀមរាប ក្រុងសៀមរាប។

មេប៉ុស្តិ៍សង្កាត់សៀមរាបបានឱ្យដឹងថាជនរងគ្រោះដែលស្លាប់ដោយសារដើរហាត់ប្រាណពេលព្រឹកនៅជុំវិញអាងចិញ្ចឹមក្រពើ ហើយរអិលជើងធ្លាក់ចូលបណ្តាលឲ្យក្រពើខាំស្លាប់នោះមានឈ្មោះ លួន ណាំ ភេ​ទប្រុស អាយុ៧២ឆ្នាំ រស់នៅភូមិ ពោធិ៍បន្ទាយជ័យ សង្កាត់សៀមរាប មុខរបរគណកម្មាការវត្ត ពោធិ៍បន្ទាយជ័យបច្ចុប្បន្នសពបានប្រគល់ឱ្យក្រុមគ្រួសារ ធ្វើបុណ្យតាមប្រពៃណីខ្មែរ៕