សិង្ហបុរី៖រដ្ឋមន្ត្រីដឹកជញ្ជូនសិង្ហបុរី លោក  Subramaniam Iswaran ត្រូវបានកាត់ទោស ២៧ ករណី បន្ទាប់ពីការស៊ើបអង្កេតរយៈពេលមួយខែដោយទីភ្នាក់ងារប្រឆាំងអំពើពុករលួយរបស់ប្រទេស។ លោកបានលាលែងពីតំណែងកាលពីពីរថ្ងៃមុននេះ។

លោក Subramaniam Iswaran ត្រូវបានតុលាការកាត់ឱ្យមានការចោទប្រកាន់ចំនួន២៤ ពីបទទទួលសំណូកក្នុងនាមជាមន្ត្រីសាធារណៈ ការចោទប្រកាន់២ទៀតពាក់ព័ន្ធនឹងអំពើពុករលួយ និងបទចោទមួយទៀតពីការរារាំងដំណើរនៃយុត្តិធម៌។

លោកត្រូវបានចាប់ខ្លួនកាលពីថ្ងៃទី ១១ ខែកក្កដាឆ្នាំមុនដែលជាផ្នែកមួយនៃការស៊ើបអង្កេតដោយការិយាល័យស៊ើបអង្កេតការអនុវត្តអំពើពុករលួយ (CPIB)។ ការចាប់ខ្លួននេះត្រូវបានផ្សព្វផ្សាយជាសាធារណៈនៅថ្ងៃទី  ១៤ ខែកក្កដា ទោះបីជាមិនមានព័ត៌មានលម្អិតអំពីលក្ខណៈនៃការស៊ើបអង្កេតក៏ដោយ។ 

គួរបញ្ជាក់ថា នៅក្នុងសន្និសីទរបស់គណបក្សសកម្មភាពប្រជាជន (PAP) ក្នុងខែវិច្ឆិកាឆ្នាំ លោកនាយករដ្ឋមន្ត្រី លី បាននិយាយអំពីតម្រូវការក្នុងការរក្សាប្រព័ន្ធរបស់ប្រទេសសិង្ហបុរីឱ្យស្អាតស្អំ។ លោកក៏បានសន្យាថាការប្តេជ្ញាចិត្តរបស់ PAP ចំពោះភាពស្មោះត្រង់ និង ភាពមិនពុករលួយគឺមិនអាចចរចាបានជាដាច់ខាត។