ថៃ៖ ក្រសួងការងារថៃ សម្រេចកាត់បន្ថយតម្លៃទិដ្ឋការការងារ សម្រាប់ពលករ៤សញ្ជាតិមាន៖ កម្ពុជា វៀតណាម លាវ ម៉ាន់យ៉ាន់ម៉ា ពីតម្លៃ២០០០បាត ឬស្មើ (៥៦ដុល្លារ) បញ្ចុះសល់ ៥០០បាត ស្មើ(​១៤​ដុល្លារ) ក្នុងរយៈពេល៤ឆ្នាំ ដែលចាប់អនុវត្តពីថ្ងៃទី១១ វិច្ឆិកា ឆ្នាំ២០២៣ ហើការ ចុះថ្លៃទិដ្ឋាការកា​រងារនេះ គេ​សង្ឃឹមថានឹងសម្រួលដល់ការចំណាយ ចំពោះសហគ្រិនដែលជួលព​លករចំណា​កស្រុក​មក​ធ្វើការ ។នេះបើតាមការផ្សាយរបស់សារព័ត៌មាន Thai PBS នៅថ្ងៃទី៨ ខែវិច្ឆិកា ឆ្នាំ២០២៣។

ប្រទេសថៃបានចេញសេចក្តីជូនដំណឹងផ្លូវការមួយ ដែលកំណត់តម្លៃថ្មីសម្រាប់ការត្រួតពិនិត្យ និងលិខិត​អនុញ្ញាតការងារសម្រាប់ពលករបរទេសមកពីប្រទេសឡាវ កម្ពុជា មីយ៉ាន់ម៉ា និងវៀតណាម ដើម្បី​លើកក​ម្ពស់ការងារស្របច្បាប់ និងដោះស្រាយបញ្ហាអន្តោប្រវេសន៍ខុសច្បាប់។

ចំណាត់ការនេះ ដែលដាក់ឱ្យប្រើក្នុងបទបញ្ជារបស់ក្រសួង នៅថ្ងៃទី២៧ ខែតុលា នឹងចូលជាធរមាន​នៅ​ថ្ងៃទី​១០ ខែវិច្ឆិកា សម្រាប់ពលករបរទេសមកពីប្រទេសទាំង៤នេះ ដែលចូលមកធ្វើការនៅប្រទេសថៃ ដោយផ្អែកលើកិច្ចសន្យាការងារ ឬអនុស្សរណៈនៃការយោគយល់គ្នា (MOU) ទាក់ទងនឹងការជ្រើ​សរើសព​លករ។ ហើយវានឹងមានសុពលភាពរយៈពេលបួនឆ្នាំ។

សូមបញ្ជាក់ថា រដ្ឋាភិបាលថៃ ចាត់វិធានការនេះមានគោលបំណងលើ​កកម្ពស់ការងារស្របច្បាប់ និ​ង​ដោះស្រា​​យបញ្ហាពាក់ព័ន្ធ​នឹងអន្តោ​ប្រវេ​សន៍ខុសច្បាប់ និងស្ថិរភាពទីផ្សារការងារ ព្រមទាំងស​ម្រា​លបន្ទុកហិរញ្ញវត្ថុទាំងកម្មករ និងនិយោជកផងដែរ៕