វៀតណាមភាគខាងត្បូងខេត្ត Dong Nai ប្រែជារាំងស្ងួត និងមានស្នាមដីប្រេះលើកដំបូងមិនធ្លាប់មានក្នុងរយៈពេល១២ឆ្នាំ
វៀតណាម៖ គ្រោះរាំងស្ងួតអូសបន្លាយពេលយូរបានធ្វើឲ្យអាងស្តុកទឹក Tri An ដ៏ធំនៅវៀតណាម នាភាគខាងត្បូងខេត្ត Dong Nai ប្រែជាស្ងួត និងមានស្នាមដីប្រេះលើកដំបូងក្នុងរយៈពេល ១២ ឆ្នាំ។អាងស្តុកទឹកនេះគឺសម្រាប់បម្រើដល់រោងចក្រវារីអគ្គិសនី Tri An ដែលបានបើកដំណើរការក្នុងឆ្នាំ ១៩៩១ និងជាអាងដ៏ធំបំផុតនៅភាគខាងត្បូងប្រទេសវៀតណាមផងដែរ។
ទោះយ៉ាងណា អាងស្តុកទឹករួមជាមួយនឹងឧទ្យានជាតិ Nam Cat Tien គឺជាផ្នែកមួយនៃបំរុងជីវមណ្ឌល Dong Nai ខណៈអាងស្តុកទឹកដែលមានទំហំ៣២.០០០ហិចតាបានរីងស្ងួតអស់ជាច្រើនថ្ងៃមកហើយ។ លើសពីនេះទៀត ទូកនេសាទមួយក្នុងចំណោមទូកនេសាទជាច្រើនត្រូវបានគេទុកចោលនៅលើដីប្រេះបែកនៃអាងស្តុកទឹកក្នុងស្រុក Vinh Cuu ហើយអាងស្តុកទឹកពេញមួយនេះ ធ្លាប់ជាកន្លែងនេសាទសម្រាប់រាប់រយគ្រួសារក្នុងតំបន់។
យោងតាមក្រុមហ៊ុនវារីអគ្គិសនី Tri An បានបញ្ចាក់ថា កម្រិតទឹកធ្លាក់ចុះទាបបំផុតក្នុងរយៈពេល ១២ ឆ្នាំមកនេះ គឺនៅប្រហែល ៥០ ម៉ែត្រ ស្របពេលដែលភ្លៀងធ្លាក់ប៉ុន្មានថ្ងៃថ្មីៗនេះបានជួយកម្រិតនេះឡើងដល់៥១ម៉ែត្រប៉ុណ្ណោះ៕
