បរទេស៖កប៉ាល់ដឹកប្រេងដែលមានទំនាក់ទំនងជាមួយមហាសេដ្ឋីអ៊ីស្រាអែលម្នាក់ត្រូវបានវាយប្រហារដោយយន្តហោះគ្មានមនុស្សបើក នៅឯឆ្នេរសមុទ្រអូម៉ង់នៅក្នុងការវាយប្រហារមួយដែលសហរដ្ឋអារិកបាននិយាយថាទំនងជាធ្វើឡើងដោយអ៊ីរ៉ង់ជាមួយនឹងយន្តហោះគ្មានមនុស្សបើក។នេះបើតាមការចេញផ្សាយដោយសារព័ត៌មានAljazeera នៅថ្ងៃទី១៧ ខែវិច្ឆិកា ឆ្នាំ២០២២។

ទីប្រឹក្សាសន្តិសុខជាតិសេតវិមានលោក Jake Sullivan បាននិយាយនៅក្នុងសេចក្តីថ្លែងការណ៍មួយថា "នៅពេលពិនិត្យមើលព័ត៌មានដែលមាន យើងមានទំនុកចិត្តថា អ៊ីរ៉ង់ទំនងជាធ្វើការវាយប្រហារនេះដោយប្រើ UAV" ។

មេបញ្ជាការ CENTCOM ឧត្តមសេនីយ Michael “Erik” Kurilla បាននិយាយកាលពីថ្ងៃពុធថា "ការវាយប្រហារដោយយន្តហោះគ្មានមនុស្សបើកនេះប្រឆាំងនឹងនាវាស៊ីវិលនៅក្នុងច្រកសមុទ្រដ៏សំខាន់នេះបានបង្ហាញឱ្យឃើញជាថ្មីម្តងទៀតនូវភាពអស្ថិរភាពនៃសកម្មភាពអាក្រក់របស់អ៊ីរ៉ង់នៅក្នុងតំបន់" ។

លោកKurilla បានកំណត់អត្តសញ្ញាណនាវាដែលបានវាយប្រហារថាជានាវាដឹកប្រេងដែលមានទង់ជាតិលីបេរីយ៉ា Pacific Zircon ។ នាវាដឹកប្រេងនោះដំណើរការដោយក្រុមហ៊ុន Eastern Pacific Shipping ដែលមានមូលដ្ឋាននៅសិង្ហបុរី ដែលជាក្រុមហ៊ុនចុងក្រោយគ្រប់គ្រងដោយមហាសេដ្ឋីអ៊ីស្រាអែល Idan Ofer ។

នៅក្នុងសេចក្តីថ្លែងការណ៍មួយ បានឱ្យដឹងថានាវាប៉ាស៊ីហ្វិក  Zircon ដែលដឹកប្រេង និងឧស្ម័នត្រូវបាន "វាយប្រហារដោយគ្រាប់ផ្លោង" ចម្ងាយប្រហែល 150 ម៉ាយ (240 គីឡូម៉ែត្រ) ពីឆ្នេរសមុទ្រអូម៉ង់៕SP