(CNN) អង្គការណាសាបានបាត់បង់ការទាក់ទងជាមួយផ្កាយរណបមួយរបស់ខ្លួន បន្ទាប់ពីវាបានបែក ចេញពីគន្លងរបស់ផែនដី តាមផ្លូវទៅកាន់ព្រះច័ន្ទ។នេះបើតាមការចេញផ្សាយដោយសារព័ត៌មាន CNN នៅថ្ងៃទី៥ ខែកក្កដា ឆ្នាំ២០២២។

CubeSat ដ៏តូចបានបញ្ឈប់ការទំនាក់ទំនងជាមួយបណ្តាញ Deep Space កាលពីថ្ងៃអង្គារ។ DSN គឺជាបណ្តាញអង់តែនវិទ្យុរបស់ NASA ដែលគាំទ្របេសកកម្មយានអវកាសអន្តរភព ក៏ដូចជាគោចរជុំវិញផែនដីមួយចំនួនផងដែរ។ CubeSat គឺជាប្រតិបត្តិការបច្ចេកវិជ្ជាប្រព័ន្ធកំណត់ទីតាំងស្វយ័ត Cislunar និងពិសោធន៍រុករក ដែលត្រូវបានគេស្គាល់ផងដែរថាជា CAPSTONE ។នេះបើយោងតាមសេចក្តីថ្លែងការណ៍របស់ NASA ។ 

ទីភ្នាក់ងារនេះបាននិយាយថា "បេសកកម្មនេះបានបាញ់បង្ហោះនៅលើរ៉ុក្កែត Electron របស់ Rocket Lab ពី Rocket Lab Launch Complex 1 នៅលើឧបទ្វីប Mahia នៃប្រទេសនូវែលសេឡង់កាលពីថ្ងៃទី 28 ខែមិថុនា។គោលដៅរបស់ CubeSats គឺដើម្បីចូលទៅក្នុងគន្លងដែលពន្លូត ជាគន្លងរាងពងក្រពើនៅជិតព្រះច័ន្ទ យ៉ាងហោចណាស់ប្រាំមួយខែទើបអាចទៅដល់សម្រាប់គោលបំណងស្រាវជ្រាវ។

សូមបញ្ជាក់ថា CubeSat ក៏នឹងទាក់ទងជាមួយយាន Lunar Reconnaissance Orbit របស់អង្គការ NASA ដែលបានធ្វើដំណើរជុំវិញព្រះច័ន្ទអស់រយៈពេល១៣ ឆ្នាំមកហើយ។ វានឹងដើរតួជាចំណុចយោងសម្រាប់ផ្កាយរណប និងអនុញ្ញាតឱ្យអ្នកវិទ្យាសាស្ត្រវាស់ចម្ងាយរវាងវត្ថុអវកាសទាំងពីរ និងកន្លែងដែល CAPSTONE ស្ថិតនៅ៕SP