អង់គ្លេស៖នាយករដ្ឋមន្ត្រីអង់គ្លេស បានរៀបការជាមួយគូដណ្តឹងរបស់លោកឈ្មោះCarrie Symonds នៅឯវិហារកាតូលិកWestminsterនៅថ្ងៃទី២៩ខែឧសភាឆ្នាំ២០២១។ មង្គលការរបស់នាយករដ្ឋមន្ត្រីវ័យ៥៦ឆ្នាំជាមួយគូដណ្តឹងវ័យ៣៣ឆ្នាំបានប្រព្រឹត្តិទៅក្រោមវត្តមានភ្ញៀវកិត្តិយសដែលជាមិត្តភក្តិជិតស្និទ្ធនិងសាច់ញាតិចំនួនប្រហែលជា៣០នាក់ប៉ុណ្ណោះ។

លោក ចន សុន និងគូដណ្តឹង បានរស់នៅជាមួយគ្នាជាលក្ខណៈប្ដីប្រពន្ធក្នុងវិមានដោននីងស្ទ្រីត (Downing Street) ចាប់តាំងពីពេលលោកចនសុនកាន់តំណែងជានាយករដ្ឋមន្ត្រីកាលពីឆ្នាំ២០១៩។មិនតែប៉ុណ្ណោះ, អ្នកទាំង២ប្រសូត្របានកូនប្រុសម្នាក់ឈ្មោះនីកូឡាស់ចនសុន កាលពីឆ្នាំ២០២០។ តាមពិត លោកចនសុនមិនមែនជាមនុស្សកំលោះទេ នៅពេលជួបអ្នកនាងសាយម៉ុន។ លោកធ្លាប់រៀបការ២ដងហើយ។

លើកទី១ជាមួយអ្នកស្រីម៉ារីណា មានកូន៤នាក់ជាមួយគ្នា។ ពួកគេចែកផ្លូវគ្នានៅឆ្នាំ២០១៨ បន្ទាប់ពីរៀបការបាន២៥ឆ្នាំ។ ដូច្នេះ បើគេគិតទាំងលើកចុងក្រោយនេះទៀត, អ្នកនាងសាយម៉ុននឹងក្លាយជាភរិយាទីបីរបស់លោកចនសុន៕SP