ទាហានរុស្ស៊ី ៦៣នាក់ស្លាប់ក្នុងការវាយប្រហាររបស់អ៊ុយក្រែននៅក្នុងក្រុង Makiivkaដោយប្រើប្រព័ន្ធរ៉ុក្កែត HIMARS
រុស្ស៊ី៖ប្រទេសរុស្ស៊ីបាននិយាយថា ទាហានរបស់ខ្លួនចំនួន ៦៣នាក់ត្រូវបានសម្លាប់ក្នុងអំឡុងពេលនៃការវាយប្រហារថ្ងៃចូលឆ្នាំថ្មីរបស់អ៊ុយក្រែនទៅលើបន្ទាយបណ្តោះអាសន្នមួយនៅក្នុងតំបន់ Donetsk ។នេះបើតាមការចេញផ្សាយដោយសារព័ត៌មានAljazeeraនៅថ្ងៃទី ៣ ខែមករា ឆ្នាំ២០២៣។
ក្រសួងការពារជាតិរុស្ស៊ីបានបន្ថែមថា នៅ យោធាអ៊ុយក្រែនបានបាញ់បង្ហោះកាំជ្រួចចំនួន៦ គ្រាប់នៅឯ "មូលដ្ឋានបណ្តោះអាសន្ន" ក្នុងទីក្រុង Makiivka ភាគខាងកើត ដោយប្រើប្រព័ន្ធរ៉ុក្កែតដឹកនាំ HIMARS ដែលផ្គត់ផ្គង់ដោយសហរដ្ឋអាមេរិក។ កាំជ្រួចពីរក្នុងចំណោមកាំជ្រួចត្រូវបានបាញ់ទម្លាក់ដោយប្រព័ន្ធការពារដែនអាកាសរបស់រុស្ស៊ី ប៉ុន្តែ បួនគ្រាប់បានវាយប្រហារលើអាគារ។
សូមបញ្ជាក់ថា ថាក្រោយការវាយប្រហារនេះនាយកដ្ឋានទំនាក់ទំនងយុទ្ធសាស្ត្រនៃកងកម្លាំងប្រដាប់អាវុធអ៊ុយក្រែនបានធ្វើសេចក្តីថ្លែងការណ៍ថា ទាហានរុស្ស៊ី៤០០នាក់ត្រូវបានសម្លាប់នៅក្នុងការវាយប្រហារ និង ៣០០នាក់ផ្សេងទៀតបានរងរបួស៕SP
