សមត្ថកិច្ចឃាត់ខ្លួនពលរដ្ឋខ្មែរជិត១០០នាក់បម្រុងឆ្លងដែនដោយខុសច្បាប់ទៅប្រទេសថៃធ្វើការអប់រំណែនាំឲ្យត្រឡប់ទៅស្រុកកំណើតវិញ
បន្ទាយមានជ័យ ៖ ស្នងការនគរបាលខេត្តបន្ទាយមានជ័យ ដែលតែងដាក់ចេញនូវបទបញ្ជាទប់ស្កាត់រាល់បទល្មើសឆ្លងដែនខុសច្បាប់ ដូចជាបទល្មើសសេដ្ឋកិច្ច បទល្មើស្រឿងញៀន និងប្រជាពលរដ្ឋលួចឆ្លងដែនទៅប្រទេសជិតខាងដោយខុសច្បាប់ ។ជាក់ស្តែង នៅវេលាម៉ាង១៦និង០០នាទី ថ្ងៃទី២៣ ខែមេសា ឆ្នាំ២០២២ សមត្ថកិច្ច បានធ្វើការទប់ស្កាត់ប្រជាពលរដ្ឋខ្មែរ បម្រុងលួចឆ្លងដែនទៅប្រទេសថៃដោយខុសច្បាប់ ចំនួន៩៥នាក់ ត្រង់ចំណុចមាត់អូរព្រំដែន ស្ថិតក្នុងភូមិល្វា ឃុំ បឹងបេង ស្រុកម៉ាឡៃ ខេត្តបន្ទាយមានជ័យ ។
ក្នុងនោះ ប្រជាពលរដ្ឋដែលបម្រុងលួចឆ្លងដែនដោយខុសច្បាប់ទៅប្រទេសថៃ ហើយត្រូវទប់ស្កាត់ សរុបចំនួន៩៥នាក់ (ស្រី៣៩នាក់ កុមារ១១នាក់ )មកពី១០ខេត្តមាន៖១/-បន្ទាយមានជ័យចំនួន២១នាក់,២/-សៀបរាបចំនួន២៩នាក់,៣/-បាត់ដំបងចំនួន១៣នាក់,៤/-ឧត្តមានជ័យចំនួន០៥នាក់,៥/-កំពង់ធំចំនួន០២នាក់,៦/-កំពតចំនួន០៨នាក់,៧/-ព្រៃវែងចំនួន១០នាក់,៨/-តាកែវចំនួន០៣នាក់,៩/-ស្វាយរៀងចំនួន០៣នាក់និង១០/-ត្បូងឃ្មុំ ០១នាក់។
ទាក់ទងនឹងប្រជាពលរដ្ឋដែលបម្រុងលួចឆ្លងដែនទៅប្រទេសថៃទាំង៩៥នាក់នេះ កងកម្លាំងជំនាញអធិការដ្ឋាននគរបាលស្រុកម៉ាឡៃធ្វើការអប់រំ និងធ្វើកិច្ចសន្យារួច ឲ្យពួគាត់វិលត្រឡប់ទៅរកការងារធ្វើស្រុកកំណើតវិញ ព្រោះការលួចឆ្លងដែនដោយខុសច្បាប់នេះ វាប្រឈមនឹងគ្រោះថ្នាក់ផ្សេងៗ ។ ព្រមទាំង ស្រាវជ្រាវមុខសញ្ញាមេខ្សល់ដែលពាក់ព័ន្ធនាំមនុស្សឆ្លងដែនខុសច្បាប់ ដើម្បីចាប់ខ្លួនយកទៅផ្តន្ទាទោសផងដែរ ៕ SP
អត្ថបទទាក់ទង
-
ករណីអគ្គិភ័យឆេះផ្ទះប្រជាពលរដ្ឋយ៉ាងសន្ធោសន្ធៅ នៅម្ដុំផ្សារដេប៉ូ សង្កាត់ផ្សារដេប៉ូ ខណ្ឌទួលគោក រាជធានីភ្នំពេញ។ហើយ ក្នុងទីតាំងកើតហេតុនេះ ក៏មានមនុស្សជាប់នៅក្នុងផ្ទះនោះផងដែរ
