សហព័ន្ធស្រូវអង្ករកម្ពុជា ៖៥ឆ្នាំចុងក្រោយ កម្ពុជានាំអង្ករចេញទៅរុស្សីជិត២ម៉ឺនតោន ខណៈនាំទៅអ៊ុយក្រែនបានតិចតួចបំផុត
ភ្នំពេញ ៖ សហព័ន្ធស្រូវអង្ករកម្ពុជា បានបញ្ជាក់ឲ្យដឹងថា ក្នុងរយៈពេល ៥ឆ្នាំចុងក្រោយ (២០១៧ -២០២១) ប្រទេសកម្ពុជាបាននាំអង្ករចេញ ទៅកាន់ប្រទេសរុស្សីបានចំនួន ១៧ ៥១២តោន ។
យោងតាមបណ្ដាញសង្គមហ្វេសប៊ុក សហព័ន្ធស្រូវអង្ករកម្ពុជា កាលពីថ្ងៃទី៣ មីនា បានឲ្យដឹងថា សម្រាប់ឆ្នាំ ២០២១ បរិមាណដែលបានលក់ទៅកាន់ប្រទេសរុស្សីមានចំនួន ២ ២២៣ តោន ដែលគិតជាទឹកប្រាក់មានចំនួន១៩៦៣ ៦៤០ ដុល្លារសហរដ្ឋអាមេរិក និងសម្រាប់ ខែមករា និងខែកុម្ភៈ នៃឆ្នាំ២០២២ បរិមាណអង្ករដែលបាននាំចេញ ទៅកាន់ប្រទេសរុស្សី មានចំនួនត្រឹមតែ ២០០តោនដែលគិតជាទឹកប្រាក់មានចំនួន ២០០ ៦៤០ ដុល្លារសហរដ្ឋអាមេរិក។
សហព័ន្ធស្រូវអង្ករកម្ពុជា គូសបញ្ជាក់បន្ថែមថា ដោយឡែកការនាំអង្ករចេញ ទៅកាន់ប្រទេសអ៊ុយក្រែន បានបរិមាណតិចតួចបំផុតត្រឹមតែ ៥៧២តោនប៉ុណ្ណោះ ក្នុងរយៈពេល ៥ឆ្នាំ ៕EB
អត្ថបទទាក់ទង
-
ករណីអគ្គិភ័យឆេះផ្ទះប្រជាពលរដ្ឋយ៉ាងសន្ធោសន្ធៅ នៅម្ដុំផ្សារដេប៉ូ សង្កាត់ផ្សារដេប៉ូ ខណ្ឌទួលគោក រាជធានីភ្នំពេញ។ហើយ ក្នុងទីតាំងកើតហេតុនេះ ក៏មានមនុស្សជាប់នៅក្នុងផ្ទះនោះផងដែរ
