ភ្នំពេញ ៖ កម្លាំងកងរាជអាវុធហត្ថរាជធានីភ្នំពេញ បានចុះបង្រ្កា កាលពីយប់ថ្ងៃទី ៩ ខែ កុម្ភៈ ឆ្នាំ ២០២​២ បាន ធ្វើការឡោមព័ទ្ធសណ្ឋាគារ សឹងប៉ាវឡុង និងក្លឹបកម្សាន្ត និង បានឃាត់ខ្លួនជ​នសង្ស័យជាជន​ជា​តិចិន​ចំនួន ៤នាក់ ជាប់ពាក់ព័ន្ធនឹងបទល្មើស ការចាប់បង្ខាំង ជន​រងគ្រោះ​ និង ចាប់ជំរិតទារប្រាក់នៅ​សណ្ឋាគា​រ សឹងប៉ាវឡុង និងក្លឹបកម្សាន្ត ដែលស្ថិតនៅតាមបណ្តោយផ្លូវ ៣១០ ក្នុងសង្កាត់បឹ​ងកេង​កង​ទី ៣ ខណ្ឌបឹងកេងកង រាជធានីភ្នំពេញ ។

 សមត្ថកិច្ចកងរាជអាវុធហត្ថបានឲ្យដឹងថា ការចុះប្រតិបត្តិការបង្រ្កាបទីតាំងខាងលើនេះ ត្រូវបានធ្វើឡើង បន្ទា​ប់ពីសមត្ថកិច្ចកងរាជអាវុធហត្ថរាជធានីភ្នំពេញបានទទួលពាក្យបណ្ដឹងរបស់សាច់ញា​តិជនរ​ង​គ្រោះ​​​ពីក្រុងបាវិត ខេត្តស្វាយរៀងថា មានក្រុមជនសង្ស័យជាជនជាតិចិនមួយក្រុម បានធ្វើ​សកម្ម​ភាពចា​ប់ជំរិ​តមនុស្ស ដើម្បីទារប្រាក់ នៅភ្នំពេញ។

សូមបញ្ជាក់ថា បច្ចុប្បន្ននេះ ជនសង្ស័យត្រូវបានបញ្ជូនទៅកាន់ បញ្ជាការដ្ឋានក​ងរាជអាវុធហ​ត្ថរាជ​​ធានីភ្នំពេញ ដើម្បីសាកសួរ និងស៊ើបអង្កេតបន្ថែម កសាងសំណុំរឿង បញ្ជូនទៅកាន់តុលាការ ដើម្បី ចាត់ការតាមនីតិវិធី ៕SP