ម៉ូស្គូ៖ រដ្ឋមន្ត្រីការបរទេសរុស្ស៊ី លោក Sergey Lavrov បាននិយាយ នៅក្នុងសម័យប្រជុំនៃក្រុមប្រឹក្សាសន្តិសុខអង្គការសហប្រជាជាតិស្តីពីស្ថានភាពនៅមជ្ឈិមបូព៌ាថា អ៊ីស្រាអែល និងប៉ាឡេស្ទីន គួរតែបញ្ឈប់ការវាយប្រហារភេរវកម្ម។ នេះបើយោងតាមការចុះផ្សាយដោយទីភ្នាក់ងារសារព័ត៌មាន Aljazeera នៅថ្ងៃទី២៦ មេសា ២០២៣។

លោក បានកត់សម្គាល់ថា យើងកំពុងជំរុញឱ្យអ៊ីស្រាអែល និងប៉ាឡេស្ទីន បញ្ឈប់រាល់សកម្មភាពឯកតោភាគីដែលគំរាមកំហែងដល់លទ្ធភាពនៃការអនុវត្តដំណោះស្រាយរដ្ឋ ២ រួមទាំងការវាយប្រហារភេរវកម្ម និងអាវុធផ្សេងទៀត ញុះញង់ឱ្យមានការឈ្លានពាន ការប្រើកម្លាំងមិនសមាមាត្រពីភាគីណាមួយ សកម្មភាពខុសច្បាប់ដោយសារបញ្ហានេះ ក៏ដូចជាការប៉ុនប៉ងដើម្បីផ្លាស់ប្តូរស្ថានភាពនៃទីក្រុងយេរូសាឡឹម។

រដ្ឋមន្ត្រីការបរទេសរូបនេះ បានសង្កត់ធ្ងន់ថា អេហ្ស៊ីប ហ្ស៊កដានី អាល់ហ្សេរី និងដៃគូផ្សេងទៀតកំពុងធ្វើការឆ្ពោះទៅរកការស្ដារឡើងវិញនូវឯកភាពប៉ាឡេស្ទីន បន្ថែមថា យើងក៏កំពុងខិតខំប្រឹងប្រែងក្នុងទិសដៅនេះ ហើយនឹងបន្តធ្វើដូច្នេះ។

គួរបញ្ជាក់ផងដែរថា ភាពតានតឹងរវាងអ៊ីស្រាអែល និងប៉ាឡេស្ទីន បានកើតឡើងជាបន្តបន្ទាប់ ដោយសារកត្តាសាសនា និងភូមិសាស្ត្រផ្សេងៗ ៕