បរទេស៖ សមាគមកីឡាបាល់ទាត់ថៃ (FA Thailand) បានចេញសេចក្ដីសម្រេចរបស់ខ្លួនជុំវិញករណីហិង្សា នៅក្នុងវគ្គផ្ដាច់ព្រ័ត្រព្រឹត្តិការណ៍កីឡាស៊ីហ្គេមលើកទី៣២ ដែលបញ្ចប់ដោយឥណ្ឌូណេស៊ីយកឈ្នះថៃក្នុងលទ្ធផល ៥-២ ។ នេះបើយោងតាមការចុះផ្សាយដោយទីភា្នក់ងារសារព័ត៌មាន The Jakarta Post នៅថ្ងៃទី២៣ ឧសភា ឆ្នាំ២០២៣។

បន្ទាប់ពីការស៊ើបអង្កេតបានបញ្ចប់ជាស្ថាពរ សមាគមកីឡាបាល់ទាត់ថៃបានរកឃើញថា បុគ្គលិកនិងកីឡាកររបស់ខ្លួនចំនួន ៥រូប បានប្រព្រឹត្តខុសឆ្គងទៅលើសមាជិកនៃក្រុមឥណ្ឌូណេស៊ី ក្នុងនោះមានបុគ្គលិកដែលជាគ្រូបង្វឹកចំនួន ៣រូប និងកីឡាករចំនួន ២រូប។

យ៉ាងណាមិញ គ្រូបង្វឹកទាំង៣រូប ត្រូវពិន័យមិនឱ្យពាក់ព័ន្ធនឹងកីឡាបាល់ទាត់រយៈពេល ១ឆ្នាំ។ រីឯអ្នកចាំទី Soponwit Rakyart និងកីឡាករ Thirapak Prueangna ត្រូវបានពិន័យរយៈពេល ៦ខែ។ សេចក្ដីសម្រេចនេះ ចូលជាធរមានចាប់ពីថ្ងៃនេះតទៅ៕

អត្ថបទទាក់ទង

ព័ត៌មានថ្មីៗ