សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានបញ្ជាក់ថា «រដ្ឋមន្រ្តីខ្លះយកឋានៈតួនាទីដើរចំកោងឬកដោយសារតែតំណែងរបស់ខ្លួនជារដ្ឋមន្ត្រី»។ ការបញ្ជាក់របស់សម្តេចនេះធ្វើឡើងនៅក្នុងពិធីជួបសំណេះសំណាលជាមួយកងបោសសម្អាតគ្រាប់យុទ្ធភ័ណ្ឌមិនទាន់ផ្ទុះក្រោមទឹក នៅខេត្តកំពង់ចាម ថ្ងៃទី ១២ខែកុម្ភៈឆ្នាំ២០២១។ 

សម្តេច ស ខេង បានលើកឡើងថា «បើនៅក្នុងស្រុកប្រជាជនស៊ីក្តួច កុំអួតថាអ្នកឯងរដ្ឋមន្ត្រីខ្លាំង»។ សម្តេចថា ខ្លាំងបាន គេមើលក្នុងស្រុក តើប្រជាជនមានសុភមង្គលឬអត់? មានជីវភាពរស់នៅសំបូរហូរហៀរឬអត់? ពុំមែនទៅយកឋានៈតួនាទីដើរចំកោងឬក ដោយសារតែខ្លួនជារដ្ឋមន្ត្រី។PP