(អាមេរិក)៖ ការ​ជជែក​ដេញដោល​លើក​ទី ១ រវាង​លោក​ Donald Trump បេក្ខជន​ប្រធានាធិបតី​នៃ​គណបក្ស​សាធារណរដ្ឋ និង​លោក Joe Biden បេក្ខជន​ប្រធានាធិបតី​នៃ​គណបក្ស​ប្រជាធិបតេយ្យ កំពុង​ប្រព្រឹត្ត​ឡើង​ដោយ​មាន​ការ​អនុវត្ត​វិធានការ​ទប់ស្កាត់​ការ​ឆ្លង​ជំងឺ​កូវីដ​១៩​យ៉ាង​ម៉ត់ចត់។ លោក Chris Wallace អ្នក​យក​ព័ត៌មាន​ឲ្យ​សារព័ត៌មាន Fox News គឺជា​អ្នក​សម្របសម្រួល​ការ​ជជែក​ដេញដោល​​លើក​ទី ១ នេះ ដោយ​ចោទ​ជា​សំណួរ​ជា​ច្រើន​ ក្នុង​រយៈពេល ៩០ នាទី​នេះ។

 

​បើ​យោង​តាម​សារព័ត៌មាន​ AP ការ​ជជែក​ដេញដោល​គ្នា​នេះ​ផ្តោត​លើ​ប្រធានបទ​ចំនួន ៦ រួមមានប្រវត្តិ​ក្នុង​ឆាក​នយោបាយ​រវាង​លោក Trump និង​លោក Biden ការ​តែងតាំង​បេក្ខជន​ចៅក្រម​តុលការកំពូល​ថ្មី វិបត្តិ​ជំងឺ​កូវីដ ១៩ ស្ថានភាព​សេដ្ឋកិច្ច​ បញ្ហា​ជាតិសាសន៍​និង​អំពើ​ហិង្សា​តាម​បណ្តា​ទីក្រុង​នានា​ក្នុង​សហរដ្ឋ​អាមេរិក និង​សុចរិតភាព​នៃ​ដំណើរការ​បោះឆ្នោត។ នៅ​ក្នុង​ការ​ជជែក​ដេញដោល​នេះ អ្នក​ជំនាញ​រំពឹង​ថា លោក Trump នឹង​និយាយ​វាយ​ប្រហារ​ពាក្យ​សម្តី​ខ្លាំងៗ​លើ​លោក Biden។ រីឯ​លោក Biden វិញ នឹង​ផ្តោត​លើ​អ្វី​ដែល​លោក​យល់​ថា លោក Trump នឹង​និយាយ​បំផ្លៃ៕PP