សេអ៊ូល៖ នាយករដ្ឋមន្រ្តី លោក Kim Boo-kyum បានថ្លែងនៅថ្ងៃសុក្រនេះថា ប្រទេសកូរ៉េខាងត្បូងនឹងបង្កើនការរឹតត្បិតប្រឆាំងនឹងមេរោគឆ្លងដល់កម្រិតខ្ពស់បំផុតនៅក្នុងទីក្រុងសេអ៊ូល និងតំបន់ជិតខាងមួយចំនួន សម្រាប់រយៈពេល ២ សប្តាហ៍ ចាប់ពីថ្ងៃច័ន្ទខាងមុខនេះ បន្ទាប់ពីករណីថ្មីនៃជំងឺកូវីដ១៩ បានកើនឡើងដល់កំណត់ត្រាប្រចាំថ្ងៃសម្រាប់ ថ្ងៃទី ២ ។

ប្រទេសនេះបានរាយការណ៍ករណីថ្មីនៃជំងឺកូវីដ១៩ គិតត្រឹមពាក់កណ្តាលអធ្រាត្រថ្ងៃព្រហស្បតិ៍ ដែលកើនឡើងពីកំណត់ត្រាមុនចំនួន ១,២៧៥ ក្នុងមួយថ្ងៃ។ កាលពីថ្ងៃព្រហស្បតិ៍មន្ត្រីសុខាភិបាលជាន់ខ្ពស់ម្នាក់បានព្រមានថា ចំនួននេះអាចនឹងកើនឡើងទ្វេដងនៅចុងខែកក្កដា។

នៅក្រោមវិធានការថ្មី ប្រជាជនត្រូវបានគេណែនាំឱ្យស្នាក់នៅផ្ទះឱ្យបានច្រើនតាមដែលអាចធ្វើទៅបាន សាលារៀនត្រូវបានបិទ ការប្រជុំសាធារណៈត្រូវបានកំណត់សម្រាប់មនុស្សពីរនាក់ បន្ទាប់ពីម៉ោង 6.00 ល្ងាច និងការប្រមូលផ្តុំគ្នាឬព្រឹត្តិការណ៍ផ្សេងទៀតត្រូវបានហាមឃាត់។ ក្លឹបរាត្រីនិងរង្គសាលនឹងត្រូវបិទ ខណៈភោជនីយដ្ឋាននិងហាងកាហ្វេ ត្រូវបានអនុញ្ញាតឱ្យមានកន្លែងអង្គុយមានកំណត់ ហើយមានតែសេវាកម្មខ្ចប់ទេ បន្ទាប់ពីម៉ោង ១០.០០ យប់។

គួររំលឹកថា រហូតមកដល់ពេលនេះ ការឆ្លងជំងឺកូវីដ១៩ សរុបរបស់កូរ៉េខាងត្បូង មានចំនួន ១៦៥,៣៤៤ នាក់ ដែលមានអ្នកស្លាប់ចំនួន ២,០៣៦ នាក់។ NR