ប្រធានក្រុមហ៊ុន Twitter លោក Jack Dorsey បាននិយាយថាការហាមឃាត់ប្រធានាធិបតីអាមេរិកលោក ដូណាល់ ត្រាំ គឺជារឿងត្រឹមត្រូវ។ ទោះយ៉ាងណា លោកបានសម្តែងការសោកស្តាយចំពោះអ្វីដែលបានកើតឡើងដោយពិពណ៌នាថាជា “កាលៈទេសៈដ៏វិសាមញ្ញនិងមិនអាចប្រកែកបាន” ជុំវិញការហាមឃាត់ជាអចិន្ត្រៃយ៍របស់គណនីលោក Trump ។ គាត់ក៏បាននិយាយផងដែរថា ការហាមឃាត់នេះគឺជាផ្នែកមួយនៃការបរាជ័យរបស់ Twitter ដែលមិនបានធ្វើឱ្យបានគ្រប់គ្រាន់ដើម្បីជំរុញឱ្យមាន “ការសន្ទនាប្រកបដោយសន្តិភាពល្អ” នៅលើវេទិកាផ្សព្វផ្សាយរបស់ខ្លួន។ យ៉ាងណាម៉ិញ Twitter ត្រូវបានគេកោតសរសើររួមនឹងមតិរិះគន់ចំពោះការផ្អាកដំណើរការគណនីរបស់លោក Trump នេះ។

មេដឹកនាំអាឡឺម៉ង់ Angela Merkel និងប្រធានាធិបតីម៉ិកស៊ិក Andres Manuel López Obrador ដែលមិនមែនជាសម្ព័ន្ធមិត្តរបស់ប្រធានាធិបតីអាមេរិកបាននិយាយប្រឆាំងនឹងការផ្លាស់ប្តូរនេះ។ នេះជាអត្ថបទដើមរបស់ប្រធានក្រុមហ៊ុន Twitter៖ “ខ្ញុំមិនអបអរឬមានមោទនភាពចំពោះការហាមឃាត់គណនី @realDonaldTrump ពីTwitter ឬពីរបៀបថាតើហេតុអីបានជាមកដល់ចំនុចនេះ។ បន្ទាប់ពីការព្រមានយ៉ាងច្បាស់ថាយើងនឹងចាត់វិធានការ យើងបានធ្វើការសម្រេចចិត្តអមជាមួយនឹងព័ត៌មានល្អបំផុតដែលយើងបានផ្អែកលើការគំរាមកំហែងដល់សុវត្ថិភាពរាងកាយទាំងក្នុងនិងក្រៅប្រព័ន្ធ Twitter ។ តើនេះត្រឹមត្រូវដែរឬទេ?” — jack (@jack) January 14, 2021